Litoŭskija ŚMI apublikavali videa: ludzi sa ščytami nie puskajuć mihrantaŭ u Biełaruś
Litoŭskaje vydańnie 15min.lt apublikavała videa: miarkujučy pa ŭsim, hrupa mihrantaŭ zatrymałasia na niejtralnaj pałasie. U Litvu ich nie puskali, a z boku Biełarusi mihrantaŭ adhaniali niejkija ludzi sa ščytami.
Paviedamlajecca, što takim čynam uzbrojenyja ludzi z boku Biełarusi vyšturchoŭvali nazad mihrantaŭ, razhornutych u Litvie pamiežnikami. I nibyta ŭžo adznačana niekalki padobnych vypadkaŭ, kali viartańnie zamiežnikaŭ u Biełaruś błakujecca ludźmi ŭ formie, maskach, sa ščytami i kaskami. Supracoŭnikami jakoj słužby jany źjaŭlajucca — nie zusim jasna, piša Zerkalo.io.
Vydańnie apublikavała videa takoha epizodu: pamiž dvuma pamiežnymi słupami staić paru čałaviek u spartyŭnaj vopratcy (mabyć, mihranty). Pobač, z boku biełaruskaha pahraničnaha słupa, staić paŭtara dziasiatka čałaviek sa ščytami. Zdymki ž viali ź inšaha boku, ad litoŭskaha słupa, dzie bačny jak minimum adzin čałaviek, a taksama skuholić sabaka. Vidać, jak adzin ź mierkavanych mihrantaŭ źviartajecca ŭ bok litoŭskaha boku:
«Please», — kaža jon.
«Go back (nazad)», — kažuć u adkaz.
Tady mužčyna znoŭ pavaročvajecca da ludziej sa ščytami i, vierahodna, pačynaje razmovu z adnym bajcom. Ale toj pakazvaje rukoj u zvarotnym kirunku:
«Nu, čaho staim? Davaj, napierad! Tudy. Iści. Nu, viadoma, tudy idziom. Čaho staiš?»
Jak piša 15min.lt, časam mihranty ŭ takim atačeńni stajać pamiž pamiežnych słupoŭ pa niekalki hadzin. «Prynamsi adnojčy takaja situacyja doŭžyłasia daŭžej za sutki», — zajaŭlaje vydańnie.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j19
Kamientary