Amnistyju palitviaźniaŭ na «dadzienym histaryčnym etapie» pryznali niemetazhodnaj
U śpisie na amnistyju, składzienym «Kruhłym stałom demakratyčnych sił», — 650 čałaviek, u tym liku eks-kiraŭnik Biełhazprambanka Viktar Babaryka, zajaviŭ u smartefiry kiraŭnik instytucyi Juryj Vaskrasienski.
«U nas u KSDS jość dva śpisy: na amnistyju i na pamiłavańnie. Pieršy śpis na amnistyju — heta 650 čałaviek, jon raźmieščany ŭ publičnym dostupie na našym sajcie. U im jość i Viktar Babaryka», — paćvierdziŭ Vaskrasienski.
Jon rastłumačyŭ, u čym adroźnieńnie amnistyi ad pamiłavańnia — amnistyja nie patrabuje pryznańnia viny, raskajańnia i prašeńnia na imia Łukašenki, a pamiłavańnie hetaha patrabuje.
«Adnak uličvajučy biesprecedentny cisk na krainu, šerah Ministerstvaŭ i viedamstvaŭ, pierš za ŭsio siłavyja, pryznali amnistyju niemetazhodnaj na dadzienym histaryčnym etapie. Tamu hetym ludziam prapanavali varyjant pamiłavańnia», — raspavioŭ Vaskrasienski.
Vaskrasienski skazaŭ, pry jakich umovach była ba mahčymaja amnistyja 650 čałaviek. «Amnistyja była b mahčyma, za jakuju my vystupali, kali b nie było hetaha sankcyjnaha cisku, ahresii, kali b pratestoŭcy i mižvolnaja apazicyja pačali b vykarystoŭvać rytoryku prymireńnia. Ja ŭpeŭnieny, možna było b pierakanać uładu amnistavać usich 650 čałaviek. Niekatorych navat biez usialakich umoŭ, jak u vypadku z Babarykam», — dadaŭ Vaskrasienski.
Brat udavy Zielcara: Kadebisty išli ŭ kvateru pa mianie6
Kamientary