U lesie pad Maładziečnam pravodzilisia tradycyjnyja spabornictvy pa načnym aryjentavańni. Biez abyšłosia bieź cikavostak.
Na tradycyjnych spabornictvach pa načnym aryjentavańni «Paparać‑kvietka», jakija prachodzili ŭ noč na 5 lipienia ŭ lesie niedaloka ad mikrarajona Vialikaje Siało, maładziečanskuju maładuju turystku tak napałochali niejkija žyvioliny, što jana vymušanaja była syści z dystancyi.
«Luboŭ vučycca ŭ adnoj z vyšejšych navučalnych ustanoŭ Minska, — raskazaŭ u intervju «RH» načalnik dystancyi i hałoŭny sudździa spabornictvaŭ Jahor Dźmitračenka. — Jana adzinaja žančyna, jakaja sioleta pryniała ŭdzieł u «Paparać‑kvietcy», tamu pieramoha ŭ žanočaj hrupie joj była zabiaśpiečanaja. Ale pierapałochanaja žančyna nie zdoleła skončyć dystancyju z‑za žyviolin, jakich raptam ubačyła siarod nočy ŭ lesie».
Pa słovach Jahora Dźmitračenki, Luba viarnułasia z dystancyi ŭsia ŭ ślazach.
Raskazała: biehła pa maršrucie, raptam pierad saboj u śviecie lichtara ŭbačyła vočy niejkich istot, jakija śviacilisia. Pamiery hetych istot — prykładna da pojasa čałavieka. Jany biehli nasustrač Lubie.
Turystka vielmi pierapałochałasia i pačała ŭciakać, nie skončyŭšy maršrut. Les, u jakim spaborničali turysty, znachodzicca pobač z horadam, tamu hałoŭny sudździa «Paparać‑kvietki» miarkuje,
što istotami, jakija pieraškodzili maładziečancy dajści da kanca dystancyi, byli badziažnyja sabaki.
Što tyčycca samich spabornictvaŭ, to z‑za drennaha nadvorja jany sioleta nie sabrali šmat udzielnikaŭ. Da taho ž, spartsmienam pieraškadžaŭ zaraśnik, jaki ŭ hetym hodzie vielmi razrośsia ŭ lesie.
Pieršaje miesca ŭ spabornictvach maładziejšych mužčyn zaniaŭ kandydat u majstry sportu Alaksiej Miamiełaŭ ź Minska. U spabornictvach starejšych mužčyn lepšym staŭ Alaksandr Chaŭruk z Maładziečna.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja87
Kamientary