ES asudžaje represii biełaruskich uładaŭ suprać hramadzianskaj supolnaści, u pryvatnaści suprać niezaležnych ŚMI i ich žurnalistaŭ, zajaviŭ aficyjny pradstaŭnik Jeŭrapiejskaj zamiežnapalityčnaj słužby.
Siarod 649 biełarusaŭ, pryznanych palitviaźniami, 27 źjaŭlajucca rabotnikami ŚMI.
«U mai najbujniejšuju niezaležnuju miedyja-płatformu tut.by prymusili zamaŭčać, a ŭ dačynieńni da jaje kiraŭnictva i žurnalistaŭ byli raspačatyja kryminalnyja spravy. U lipieni praciahvalisia biaźlitasnyja pieraśledy niaŭradavych arhanizacyj i pravaabaroncaŭ, u tym liku rejdy ŭ pryvatnyja damy, i mnohija hramadzianie byli aryštavanyja pa surjoznych abvinavačvańniach», — skazana ŭ dakumiencie.
ES rašuča asudžaje hetyja niaspynnyja represii, zajaŭlajuć u Brusieli, i zaklikaje ŭłady Biełarusi spynić ich, vykonvać svaje mižnarodnyja abaviazacielstvy i abaviazacielstvy ŭ ramkach AAN i ABSIE i pavažać pravy čałavieka i asnoŭnyja svabody svajho ŭłasnaha nasielnictva.
«ES praciahvaje padtrymlivać narod Biełarusi i budzie praciahvać padtrymlivać jaho hramadzianskuju supolnaść, uklučajučy niezaležnyja i svabodnyja ŚMI», — zapeŭnivajuć u ES.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary