Ciktokier, jaki prasiŭ prabačeńnia ŭ KDB, atrymaŭ štraf i papiaredžańnie ad prakuratury
18-hadovy ciktok-błohier Alaksandr F. viadomy kranalnym rolikam, dzie jon sa ślazami na vačach prasiŭ prabačeńnia ŭ KDB. Ciapier stała viadoma, što prakuratura aštrafavała chłopca i vyniesła jamu papiaredžańnie za raspaŭsiud ekstremisckich materyjałaŭ.
Praŭda, sam błohier kaža, što heta adbyłosia niedzie ź miesiac tamu, jašče da publikacyi pra jaho.
«Raniej nie kazaŭ, bo nie chacieŭ raspaŭsiudu takoha kštałtu infarmacyi. Chacieŭ cicha pahasić štraf i zabycca», — patłumačyŭ Alaksandr «Našaj Nivie».
Štraf dali pa siońniašnich mierkach nievialiki — 15 bazavych vieličyń. Ciapier chłopiec źbiraje hrošy na jaho pahašeńnie.
Akramia taho, błohiera vyklikali ŭ prakuraturu, dzie jamu abviaścili aficyjnaje papiaredžańnie i patłumačyli administracyjnyja i kryminalna-pravavyja nastupstvy vykarystańnia i raspaŭsiudžvańnia ekstremisckich materyjałaŭ.
Kamientary