42-hadovy były major milicyi, pavodle abvinavačvańnia, zavałodaŭ tryma aŭtamabilami i adnym matacykłam sa štrafstajanki na sumu 13 tysiač rubloŭ, paviedamlaje «Viačerni Brest».
Mužčyna šlacham padmanu i machlarstva zavałodaŭ tryma aŭtamabilami marki «Aŭdzi» i adnym matacykłam «Subaru» na 12 971 rubiel. Usie transpartnyja srodki znachodzilisia na stajancy dla zachoŭvańnia na vulicy Janki Kupały.
Mužčyna pakazvaŭ rabotnikam stajanki lipavyja dakumienty za podpisam nibyta słužbovych asob AUS, jakija dajuć jamu prava zabirać mašyny dla dalejšych śledčych dziejańniaŭ. Jak paźniej vyśvietliłasia ŭ chodzie śledstva, usie podpisy jon staviŭ ułasnaručna. Rabotniki stajanki ničoha nie viedali. Tak usie čatyry transpartnyja srodki byli vyviezieny majoram i raźmieščany na ŭčastkach jaho siabroŭ u Bresckim rajonie.
Pa słovach prakurora, svaimi dziejańniami supracoŭnik milicyi nanios škodu dziaržaŭnym intaresam i, budučy pradstaŭnikom ułady, dyskredytavaŭ orhany pravaparadku.
Vinu mužčyna całkam pryznaŭ i rastłumačyŭ svaje dziejańni ŭ sudzie ciažkaj chvarobaj žonki, z-za jakoj jamu terminova spatrebilisia hrošy.
Aŭtamabili byli znojdzieny ŭ lesie biez kiroŭcaŭ i znachodzilisia na stajancy dla zachoŭvańnia bolš za čatyry hady. Tamu jon i vyrašyŭ, što jany ŭžo nikomu nie patrebnyja.
«Adnu mašynu ja paśpieŭ razabrać całkam, adnu častkova, jašče adna zastałasia niekranutaj, jak i matacykł. Pieršapačatkova ja płanavaŭ pradać pa zapčastkach, adnak, daŭšy abjavu ŭ internecie, za dva miesiacy nie atrymaŭ nivodnaha vodhuku. Potym chacieŭ zdać choć by kuzaŭ adnoj «Aŭdzi» na mietałałom. Ale padumaŭ, što na «Druhasčarmiecie» mahli być ustanoŭleny kamiery videanazirańnia, a rabotniki mahli zapatrabavać daviedku ab tym, što dadzieny aŭtamabil nie byŭ va ŭhonie, nabyty lehalna i t.d. tamu vyrašyŭ nie ryzykavać», — rastłumačyŭ jon u sudzie.
Ciapier jamu moža pahražać ad 2 da 7 hadoŭ pazbaŭleńnia svabody.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam2
Kamientary