Novy mer Ńju-Jorka choča atrymać zarobak u bitkojnach i zrabić «stalicu kryptavalutnaj industryi»
Abrany na hetym tydni meram Ńju-Jorka demakrat Eryk Adams zajaviŭ, što choča pieršyja try zarobki atrymać u bitkojnach.
Chacia post jon zojmie tolki ŭ studzieni, Adams užo ciapier u sacyjalnych sietkach abiacaje zrabić Ńju-Jork «stalicaj kryptavalutnaj industryi», paviedamlaje VVS. Cikava, što niadaŭna zarobak u bitkojnach prasiŭ i mer Majami, Frensis Suares, praŭda, tolki na pieršy miesiac paśla pieravybrańnia na pasadu mera.
Usio heta na fonie taho, što Kitaj, były suśvietny lidar pa zdabyčy bitkojna, uvioŭ zabaronu na zdabyču kryptavaluty i lubyja tranzakcyi pryznaje ciapier niezakonnymi.
Takim čynam, u Amieryki źjaviłasia mahčymaść stać suśvietnym lidaram na hetym rynku.
Pa danych za žnivień 2021 hoda, na pieršym miescy pa zdabyčy bitkojna staić ZŠA (35,4%), na druhim — Kazachstan (18,1%), na trecim — Rasija (11%).
Majniery (zdabytčyki) zarablajuć hrošy, stvarajučy novyja bitkojny, ale sam praces zdabyčy nadzvyčaj nieekałahičny.
Apanientami Adamsa ŭ krypta-industryalizacyi Ńju-Jorka vystupajuć ekołahi: jany źviartajuć uvahu na vysokaje spažyvańnie elektryčnaści zdabytčykami kryptavaluty (suśvietny majninh patrabuje elektraenierhii bolš, čym, naprykład, usia kraina Filipiny), a taksama na tonny elektronnaha śmiećcia, jakoje vykidajuć majniery (kamputary chutka starejuć i technika dla zdabyčy bitkojnaŭ słužyć u siarednim 1,29 hoda).
Da taho ž, Eryku Adamsu daviadziecca mieć spravu z hienieralnym prakuroram štata Ńju-Jork Letycyjaj Džejms, jakaja niadaŭna vysunuła svaju kandydaturu na post hubiernatara štata. Užo ciapier jana žorstka pieraśleduje niezarehistravanyja kryptavalutnyja kampanii.
U śviecie ŭźnik deficyt kampjutarnych čypaŭ. Jak tak zdaryłasia i čamu ad hetaha ciarpiać cełyja industryi?
Kitaj zabaraniŭ kryptavaluty. Čamu jon na heta pajšoŭ i što heta aznačaje dla śvietu?
Ciapier čytajuć
Jakija retranślatary na miažy maje na ŭvazie Ukraina?10
Kamientary