U AAE skaracili praciahłaść pracoŭnaha tydnia da čatyroch z pałovaj dzion i skasavali vychadnuju piatnicu
Z 1 studzienia 2022 hoda ŭ Abjadnanych Arabskich Emiratach (AAE) uviaduć novy pracoŭny tydzień z vychadnymi pa zachodnim uzory — u subotu i niadzielu zamiest piatnicy i suboty.
Jak paviedamlaje aficyjnaje ahienctva navin WAM, hetaje praviła zakranaje fiederalnych čynoŭnikaŭ. Z paniadziełka pa čaćvier jany buduć pracavać z 7:30 ranicy da 15:30, a ŭ piatnicu — z 7:30 da 12:00. Propaviedzi i malitvy ŭ piatnicu stanuć pravodzić z 13:15 zamiest 11:00. A ŭ čynoŭnikaŭ budzie mahčymaść pracavać pa piatnicach dystancyjna, piša meduza.io.
«Padoŭžanyja vychadnyja stali častkaj namahańniaŭ urada AAE, nakiravanych na zabieśpiačeńnie bałansu pamiž pracaj i asabistym žyćciom i pavyšeńnie sacyjalnaha dabrabytu, a taksama na pavyšeńnie pradukcyjnaści pracy dla pavyšeńnia ekanamičnaj kankurentazdolnaści AAE», — havorycca ŭ paviedamleńni WAM.
Ułady AAE nie dali nijakich ukazańniaŭ dla pryvatnych kampanij, ale kampanijam nie patrebny dazvoł ŭrada, kab ustanavić svoj pracoŭny tydzień.
***
U mnohich arabskich krainach pracoŭny tydzień praciahvajecca ź niadzieli pa čaćvier, a piatnica i subota na Blizkim Uschodzie tradycyjna ličacca vychadnymi dniami (u šerahu krain — tolki piatnica).
Z 1971 pa 1999 hady ŭ AAE dziejničaŭ šaścidzienny pracoŭny tydzień z vychadnym u piatnicu. U 1999 hodzie druhim vychadnym dniom staŭ čaćvier. Tak było da 2006 hoda, kali ŭłady pieramiaścili vychadnyja na piatnicu i subotu. Usie dziaržaŭnyja i pryvatnyja škoły, a taksama kampanii pierajšli na hety režym pracy ŭ vieraśni 2006-ha.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary