Dziaciej ad 12 hod płanujuć vakcynavać ad COVID-19 z nastupnaha hoda
Ministerstva achovy zdaroŭja Respubliki Biełaruś razhladaje pytańnie ab tym, kab z 2022 hoda ŭvodzić abaviazkovuju vakcynacyju dziaciej ad karanavirusnaj infiekcyi. Ab hetym raspaviała ahienctvu «Minsk-Naviny» hałoŭny ŭrač Minskaha haradskoha centra hihijeny i epidemijałohii Śviatłana Jarmak.
— Ministerstva achovy zdaroŭja razhladaje pytańnie ab tym, kab z nastupnaha hoda ŭvodzić abaviazkovuju vakcynacyju dziaciej z 12-hadovaha ŭzrostu sa zhody baćkoŭ , — raspaviała Jarmak.
Pavodle słoŭ hałoŭnaha sanitarnaha ŭrača Minska, jak miarkujecca, dla junych hramadzian buduć vykarystoŭvać pryščepku «Sputnik V» u piacirazovym raźviadzieńni, jak heta adbyvajecca ŭ Rasii.
— Mahčyma, buduć jašče i impartnyja vakcyny, pa jakich ciapier Ministerstva achovy zdaroŭja razhladaje zakupki. Pryčym havorka idzie nie abaviazkova pra rasijskija ci kitajskija preparaty. Jakija heta buduć vakcyny, u bližejšy čas paviedamić ministerstva, — adznačyła Jarmak.
Stała viadoma, kali budzie hatovaja biełaruskaja vakcyna ad kavidu
«Vybierycie dźvie hetyja stravy». Jak paźbiehnuć pierajadańnia ŭ navahodniuju noč
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary