Tracina biełarusaŭ ekanomić na ježy. Ekanamisty kažuć, dalej budzie horš
38% biełarusaŭ admaŭlajucca ad bujnych pakupak, a 36% — ekanomiać na ježy. Takija vyniki apytańnia BEROC. Dalej budzie horš, prychodzić kaniec biełaruskamu cudu, kažuć ekanamisty.
Kab zamierać usprymańnie biełaruskaj ekanomiki nasielnictvam krainy, centr BEROC pravioŭ apytańnie spažyŭcoŭ i biznesu. 38% respandentaŭ siarod haradskoha nasielnictva va ŭzroście 18-64 hadoŭ adkazali, što adčuvajuć padzieńnie dachodaŭ.
U asnoŭnym biełarusy admaŭlajucca ad bujnych pakupak i zabaŭ, a 36,4% apytanych vymušanyja ekanomić na ježy. Pieravažnaja bolšaść respandentaŭ kaža, što ekanamičnaja situacyja ŭ krainie pahoršyłasia albo, «chutčej, pahoršyłasia».
«Usio, što adbyvajecca pazityŭnaha ŭ ekanomicy, źviazana sa źniešnim konturam. Ale kali my havorym pra spažyvańnie, to ludzi nie hatovyja tracić hrošy. Nazirajecca inviestycyjnaja depresija — biznes usprymaje ryzyki vielmi vysoka», — kamientuje dyrektarka centra BEROC Kaciaryna Barnukova.
Ekśpierty tłumačać, što «biełaruski cud» skončycca ŭ nastupnym hodzie.
Pavodle ich, rost VUP prykładna na 2% u 2021 hodzie byŭ źviazany z ahulnym adnaŭleńniem suśvietnaj ekanomiki paśla pandemii. «Uličvajučy, što ŭsie ekanomiki vakoł nas rastuć chutčej, kazać pra ŭnikalny pośpiech nie davodzicca», — adznačaje dyrektar BEROC Kaciaryna Barnukova.
U nastupnym ža hodzie dadaducca adkładzienyja efiekty ad sankcyj, «inviestycyjnaj depresii» — biznes usprymaje ryzyki ŭ Biełarusi vielmi vysoka, piša Deutsche Welle.
U niekalki razoŭ bolš za aficyjnuju inflacyju. Jak padaraželi za hod aliŭje i sieladziec pad šubaj
Čaj plus 18%, ahurki — 40%. Jak źmianilisia cieny na pradukty paśla admieny dziaržrehulavańnia
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna11
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1212
Kamientary