«Inšapłaniecianie vyrašyli, što ja mušu zastacca bieź listoŭ». Pravaabaroncu Uładziu Łabkoviču błakujuć listavańnie
Palitźniavoleny «viasnoviec» Uładź Łabkovič, jaki ŭtrymlivajecca za kratami z 14 lipienia, dasłaŭ list ź SIZA na Vaładarskaha ad 25 studzienia.
U im jon piša, što listy da jaho amal nie dachodziać, choć i viedaje, što jamu pišuć rodnyja, kalehi i nieabyjakavyja ludzi, paviedamlajuć pravaabaroncy.
Taksama Uładź raspaviadaje, što ŭžo dva tydni (z 11 studzienia) śpić tolki pa dźvie hadziny ŭ sutki, a hałava bieśpierapynna balić užo miesiacy try.
«Listy nie dachodziać zusim. Inšapłaniecianie vyrašyli, što ja mušu zastacca ŭ hetaj kaśmičnaj biezdani i ciemry bieź listoŭ. Mnie traplaje tolki pa adnym liście ad mamy i Niny [žonki].
Voś užo dva tydni [prajšło] z apošniaha lista ad inšych (z 11 studzienia). I voś my staim i ŭzirajemsia ŭ čornuju dziru i sprabujem dakryčacca. Ale ŭ hetaj dziry źnikaje ŭsio: mary, nadziei, čas, ciapło».
Kamientary