Coca Cola i inšyja. Jakija suśvietnyja brendy jašče hatovyja pracavać u Rasii?

Navina pra toje, što Coca-Cola navažyłasia praciahnuć pracavać u RF, chutka raspaŭsiudziłasia ŭ infarmprastory. Užo 4 sakavika niekatoryja ŭkrainskija handlovyja sietki abviaścili kampanii bajkot. Tavary marki Coca-Cola pačali prybirać z palic u sietkach Novus, Fozzy Group i Varus.

Ale Coca Cola nie adna, jość i inšyja. Niekatoryja kampanii nie tolki nie spynili svaju dziejnaść u Rasii, a navat zajaŭlajuć, što nie źbirajucca hetaha rabić i ŭ budučyni.

METRO

METRO — mižnarodnaja handlovaja aptovaja sietka sa štab-kvateraj u Hiermanii. 3 sakavika na aficyjnaj Facebook-staroncy Metro Russia źjaviłasia paviedamleńnie: kampanija nie źbirajecca sychodzić z rynku Rasii, dzie ŭ jaje 93 handlovyja centry. Kampanija taksama pradstaŭlenaja ŭ Ukrainie.

«METRO praciahvaje pracu ŭ Rasii. My nie płanujem zakryvać našy handlovyja centry. Usie kramy METRO pracujuć u zvyčajnym režymie. My praduhledzieli nieabchodny zapas tavaraŭ i naładžvajem łancužki pastavak», — havorycca ŭ paviedamleńni.

PepsiCo

Kampanija PepsiCo pakul nie rabiła zajaŭ adnosna svaich dalejšych płanaŭ na rasijskim rynku. Zapyt pra heta karespandent Radyjo Svaboda ŭ Vašynhtonie adpraviŭ jašče ŭ paniadziełak, 28 lutaha. Z taho času kampanija nie adkazała i nie vychodziła z publičnymi zajavami.

Rasija źjaŭlajecca druhoj pa pamiery paśla Mieksiki krainaj, kudy PepsiCo ekspartuje svaje tavary, havorycca ŭ jaje finansavaj spravazdačy. Za 2021 hod kampanija zarabiła ŭ Rasii 3,4 miljarda dalaraŭ.

Ciapier kampanija vyrablaje pradukcyju pad brendami Pepsi, Mirinda, 7up, Lay's, «Fruktovyj sad», «Domik v dierievnie», «Ahuša», «ChrusTeam», «Čudo», Sandora, «Słavianočka», Lipton, «Jeśsientuki».

Nestle SA

Šviejcarskaja kampanija, jakaja ŭvachodzić u sotniu najbujniejšych u śviecie i vałodaje prykładna 2 tysiačami brendaŭ (Nescafe, Nesquik, Nuts, Maggi, Śvitoč, Mivina, Torčin) roznaj pradukcyi, taksama nie spyniaje svajoj pracy ŭ Rasii.

«Našy fabryki i ofisy ŭ Rasii praciahvajuć svaju pracu. Naša meta — zabiaśpiečvać spažyŭcoŭ jakasnymi praduktami charčavańnia i napojami va ŭsich rehijonach našaj prysutnaści. My praciahvajem pradstaŭlać na rynku šyroki asartymient praduktaŭ charčavańnia», — adkazali ŭ pres-słužbie kampanii na pytańnie rasijskaha vydańnia TASS.

Zatoje jašče 24 lutaha źjaviłasia infarmacyja, što kampanija časova zhortvaje svaju dziejnaść va Ukrainie ŭ suviazi ź niebiaśpiekaj dla jaje rabotnikaŭ. Va Ukrainie na Nestle, jakoj tut naležać 3 fabryki — u Lvovie («Śvitoč» i «Mivina») i ŭ Vałynskaj vobłaści («Torčin») — pracavała kala 5 tysiač čałaviek.

Stellantis

Mnohija suśvietnyja vytvorcy aŭtamabilaŭ užo abviaścili ab prypynieńni dziejnaści ŭ Rasii — jak vytvorčaść na jaje terytoryi, tak i ekspart aŭtamabilaŭ dy kamplektujučych da ich. Adnak transnacyjanalny vytvorca aŭtamabilaŭ — karparacyja Stellantis, jakaja ŭ Rasii (u Kałuzie) maje zavod pa vytvorčaści asobnych madelaŭ takich viadomych brendaŭ, jak Peugeot, Citroen, Opel i FIAT, — vyrašyła nie pieraryvać svaju dziejnaść u Rasii, pakul moža pracavać.

Kampanija taksama nie zajaŭlaje ab spynieńni ekspartu ŭ Rasiju inšych svaich madelaŭ, u pryvatnaści luksavych aŭtamabilaŭ Maserati, a taksama Chrysler, Dodge, Alfa Romeo i pazadarožnikaŭ Jeep.

U toj ža čas kampanija vykazała žadańnie achviaravać 1 miljon jeŭra ŭkrainskim uciekačam i paciarpiełym, ale nazyvaje vajnu va Ukrainie «ahresijaj», nie zhadvajučy pry hetym Rasijskuju Fiederacyju.

«Była pačataja ahresija, jakaja ŭzrušyła suśvietny paradak, i biez taho nie ŭrehulavany niavyznačanaściu. Hramada Stellantis, što składajecca z 170 nacyjanalnaściaŭ, z tryvohaj hladzić, jak mirnyja žychary biahuć z krainy. Navat kali maštaby pryčyn jašče nie vidavočnyja, čałaviečyja straty buduć nievynosnymi», — havorycca ŭ aficyjnym paviedamleńni kampanii.

Va Ukrainie ŭ kampanii jość kala 70 dylerskich centraŭ, jakija nie tolki pradajuć aŭtamabili, ale i zajmajucca ich ramontam i servisam pa zamovie zapčastak.

Danone

Francuzskaja kampanija — vytvorca małočnaj pradukcyi, taksama paviedamiła, što nie spyniaje svajoj dziejnaści ŭ Rasii. Jaje brendy «Prostokvašino», «Aktivija», Actimel', Evian, «Rostiška» i inšyja nadalej buduć źjaŭlacca na palicach rasijskich mahazinaŭ.

«Spyniać našu dziejnaść u Rasii i sychodzić z rynku my nie płanujem. Na hety momant klučavyja sistemy, infrastruktura i łahistyka kampanii ŭ Rasii pracujuć u štatnym režymie», — havorycca ŭ paviedamleńni, jakoje pres-słužba Danone razasłała ŚMI Rasii.

Va Ukrainie kampanija «Danone» pracuje ŭžo bolš za 20 hadoŭ i vałodaje zavodami ŭ Chiersonie i Kremienčuku. Na aficyjnym sajcie «Danon Ukraina» kampanija asudžaje ŭvarvańnie Rasii.

«My vykazvajem nievymoŭnuju padziaku ŭsim danonaŭcam, jak va Ukrainie, tak i pa ŭsim śviecie za salidarnaść u asudžeńni vajennych dziejańniaŭ i hatoŭnaść akazać lubuju dapamohu Ukrainie i ŭkraincam», — skazana ŭ paviedamleńni.

TotalEnergies

Hetaja bujnaja francuzskaja naftahazavaja kampanija zajaviła, što zachavaje svaju prysutnaść u Rasii, ale bolš nie budzie inviestavać u novyja prajekty ŭ krainie. Dla TotalEnergies Rasija źjaŭlajecca stratehičnym rynkam. Francuzam naležyć 19% najbujniejšaha vytvorcy zvadkavanaha hazu ŭ krainie, Rasija taksama zabiaśpiečvaje bolš za 17% hazavaj i naftavaj zdabyčy kampanii ŭ śviecie.

Pirelli

Italjanski vytvorca šynaŭ Pirelli zajaviŭ, što stvaryŭ «kryzisny kamitet» dla manitorynhu situacyi, ale pakul nie płanuje spyniać vytvorčaść ni na adnym z dvuch rasijskich zavodaŭ. Miž tym kankurent italjancaŭ, finskaja kampanija Nokian Tyres, zajaviła na minułym tydni, što pieranosić vytvorčaść niekatorych linij pradukcyi z Rasii.

BASF

Najbujniejšaja ŭ śviecie chimičnaja hrupa BASF zajaviła, što zachavaje ŭ Rasii i Biełarusi vytvorčaść praduktaŭ charčavańnia «pa humanitarnych mierkavańniach». Novyja inviestycyi ŭ krainu zamarožanyja.

SwatchGroup

Suśvietna viadomy šviejcarski vytvorca hadzińnikaŭ zajaviŭ, što praciahnie svaju dziejnaść u Rasii, ale prypynić impart pradukcyi. U Rasii i nadalej možna budzie kupić hadzińniki brendaŭ Rado, Breguet, Omega i niekalkich inšych.

***

Paźniej stała viadoma, što Coca Cola i Danone zajavili ab vychadzie z rasijskaha rynku.

• 0
• 0
• 0
• 0
• 0
• 1
• 0
• 0