Staršynia Alochnavickaha sielsavieta (Maładziečanski rajon), kab nie «zapeckacca», brała chabar elektronnymi pieravodami.
Sprava pa č. 3 art. 430 Kryminalnaha kodeksa (atrymańnie chabaru asobaj, jakaja zajmaje adkaznuju pasadu) raspačata ŭ dačynieńni da 44‑hadovaj staršyni Alochnavickaha sielskaha savieta i sielskaha vykankama (Maładziečanski rajon) Aleny Šumskaj.
Jak paviedamili ŭ pres‑słužbie UUS Minskaha abłvykankama, apieratyŭnikam upraŭleńnia pa baraćbie z karupcyjaj i ekanamičnymi złačynstvami ŭ stratehičnych kirunkach abłasnoha ŭpraŭleńnia ŭnutranych spraŭ spatrebiłasia bolš jak dzieviać miesiacaŭ, kab złavić staršyniu sielsavieta z dokazami złačynstva.
Zajmajučy adnačasova dźvie kirujučyja pasady, čynoŭnica vałodała samymi šyrokimi paŭnamoctvami pa cełym šerahu pytańniaŭ, źviazanych z vydzialeńniem i afarmleńniem ziamielnych učastkaŭ, što raźmiaščajucca na padviedamasnaj terytoryi.
«Zatrymanaja zdymała najaŭnyja hrošy, što pieradavali joj u jakaści chabaru, z bankaŭskich kartak hramadzian, jakija papiarednie paviedamlali joj pin‑kod. Čynoŭnica była ŭpeŭniena, što elektronnaja «viersija» chabaru vyklučna biaśpiečnaja»,— paviedamiŭ načalnik upraŭleńnia pa baraćbie z karupcyjaj i ekanamičnymi złačynstvami ŭ stratehičnych kirunkach UUS Alaksandr Radajeŭ.
Alena Šumskaja była zatrymana kala bankamata, dzie sprabavała źniać sumu, jakaja zaviaršała kryminalnuju ździełku, — apošniuju tysiaču dalaraŭ.
Papiarednija dźvie čynoŭnica, jak i było damoŭlena, užo paśpieła źniać raniej. Hrošy pryznačalisia dla vyrašeńnia pytańnia, źviazanaha z afarmleńniem dakumientaŭ ab vydzialeńni ziamielnaha ŭčastka dla budaŭnictva i absłuhoŭvańnia žyłoha doma ŭ vioscy Alochnavičy Maładziečanskaha rajona ŭ intaresach 38‑hadovaj žycharki Minska.
Ciapier čynoŭnica znachodzicca ŭ śledčym izalatary.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary