Dziaržaŭtainśpiekcyja Bresckaj vobłaści z 17 žniŭnia pierajšła na ŭzmocnieny varyjant niasieńnia słužby.
Jak paviedamiła BiełaPAN načalnik adździaleńnia pa ahitacyi i prapahandzie abłasnoj DAI Natalla Sacharčuk,
heta abumoŭlena rostam DTZ na darohach rehijonu.
U pryvatnaści, za apošnija try dni, 14—16 žniŭnia, u Bresckaj vobłaści zafiksavana 10 DTZ, u jakich čatyry čałavieki zahinuli i 13 atrymali ranieńni roznaj stupieni ciažkaści. Heta prykładna na 30—35% bolš, čym zvyčajna ŭ pieradvychadnyja i vychadnyja dni.
«Asablivuju ŭvahu supracoŭniki DAI skancentravali na parušalnikach chutkasnaha režymu, niećviarozych vadzicielach, niapropusku piešachodaŭ na piešachodnych pierachodach, a taksama na parušeńniach samimi piešachodami praviłaŭ darožnaha ruchu. Akramia taho, zrobleny akcent na vykarystańnie piešachodami śviatłoadbivalnych elemientaŭ u ciomny čas sutak. Da ŭsich parušalnikaŭ praviłaŭ darožnaha ruchu buduć prymianiacca žorstkija miery administracyjnaha ŭździejańnia», — adznačyła Sacharčuk.
Da praviadzieńnia hetych mierapryjemstvaŭ pryciahnuty ŭvieś asabovy skład DAI, a taksama supracoŭniki inšych słužbaŭ milicyi hramadskaj biaśpieki.
Z pačatku 2009 hoda na terytoryi Bresckaj vobłaści zarehistravana 419 DTZ (na 115 mienš, čym za anałahičny pieryjad 2008 hoda), u jakich 90 čałaviek zahinuli (na 14 vypadkaŭ mienš) i 419 atrymali traŭmy roznaj stupieni ciažkaści (na 159 mienš).
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty23
Kamientary