Дзяржаўтаінспекцыя Брэсцкай вобласці з 17 жніўня перайшла на ўзмоцнены варыянт нясення службы.
Як паведаміла БелаПАН начальнік аддзялення па агітацыі і прапагандзе абласной ДАІ Наталля Сахарчук,
гэта абумоўлена ростам ДТЗ на дарогах рэгіёну.
У прыватнасці, за апошнія тры дні, 14—16 жніўня, у Брэсцкай вобласці зафіксавана 10 ДТЗ, у якіх чатыры чалавекі загінулі і 13 атрымалі раненні рознай ступені цяжкасці. Гэта прыкладна на 30—35% больш, чым звычайна ў перадвыхадныя і выхадныя дні.
«Асаблівую ўвагу супрацоўнікі ДАІ сканцэнтравалі на парушальніках хуткаснага рэжыму, нецвярозых вадзіцелях, няпропуску пешаходаў на пешаходных пераходах, а таксама на парушэннях самімі пешаходамі правілаў дарожнага руху. Акрамя таго, зроблены акцэнт на выкарыстанне пешаходамі святлоадбівальных элементаў у цёмны час сутак. Да ўсіх парушальнікаў правілаў дарожнага руху будуць прымяняцца жорсткія меры адміністрацыйнага ўздзеяння», — адзначыла Сахарчук.
Да правядзення гэтых мерапрыемстваў прыцягнуты ўвесь асабовы склад ДАІ, а таксама супрацоўнікі іншых службаў міліцыі грамадскай бяспекі.
З пачатку 2009 года на тэрыторыі Брэсцкай вобласці зарэгістравана 419 ДТЗ (на 115 менш, чым за аналагічны перыяд 2008 года), у якіх 90 чалавек загінулі (на 14 выпадкаў менш) і 419 атрымалі траўмы рознай ступені цяжкасці (на 159 менш).
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?36
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары