Žurnalistu Alehu Hruździłoviču vynieśli pryhavor u sudzie Savieckaha rajona Minska 3 sakavika.
Jak paviedamiła «Svabodzie» Marjana Hruździłovič, pra pieravod Aleha ŭ Mahiloŭskuju turmu joj stała viadoma 25 sakavika, kali pytałasia ŭ SIZA-1 na Vaładarskaha pra toje, jak arhanizavać sustreču muža z nataryusam.
Joj skazali, što 23 sakavika Aleha etapavali ŭ turmu №4 Mahilova. Paźniej pryjšoŭ list ad Hruździłoviča ad 23 sakavika, u jakim jon napisaŭ, što jamu zahadali sabrać usie rečy i zrabić ich vopis.
28 sakavika dziažurnaja ŭ mahiloŭskaj turmie paćvierdziła žoncy, što muž užo tam.
Pry hetym data razhladu kasacyjnaj skarhi ŭ Minskim haradskim sudzie nie pryznačanaja.
3 sakavika Aleha Hruździłoviča asudzili na 1,5 hoda kałonii. Jaho abvinavacili ŭ troch epizodach udziełu ŭ masavych biesparadkach padčas pratestaŭ 2020 hoda. Taksama Hruździłoviču vystavili isk na 56 tysiač rubloŭ.
Kamientary