«My ich na pieršy płan nie vyviesili, tamu što ŭ nas i pastajannyja pakupniki jość ukrainskija». Minskaja krama pradaje majki z Z
Čytačy Radyjo Svaboda zaŭvažyli, što ŭ adnym z handlovych centraŭ Minska pradajuć majki i łonhślivy ź litaraj Z, jakaja asacyjujecca z rasijskimi vojskami i ŭzbrojenym uvarvańniem va Ukrainu. Žurnalisty vyśvietlili, što takoje adzieńnie pradavałasia ŭ nievialikaj kramie «Fason» u handlovym centry «Kvadra».
Volha, ułaśnica kramy «Fason», kaža, što majek užo niama — usie pradalisia. Kaštavali jany pa 35 rubloŭ. A pryvieźli ich byli z Maskvy, na znak padtrymki rasijskaj armii i śpiecapieracyi va Ukrainie.
«Nie chvalujciesia, my ich na pieršy płan nie vyviesili, vyklučna ad taho, što my ŭkrainski narod taksama padtrymlivajem, tamu što ŭ nas i pastajannyja pakupniki jość ukrainskija.
Tamu my niejak tak vyrašyli, što nie vielmi heta pravilna, ale asabista maja dumka — my za Pucina, my padtrymlivajem hetuju śpiecapieracyju. Chaj hetuju majku nosiać… My ich pryvozili ŭ padtrymku našaj, rasijskaj… nie toje što tam našaj, nie našaj, ale my padtrymlivali hetuju apieracyju z samaha pačatku», — skazała Volha.
Vytvorca majek — rasijski brend «Bojevaja Rośsija» — maje ŭ asartymiencie šmat pryntoŭ na roznyja temy, u tym liku ź simvałami SSSR i Rasijskaj impieryi.
A voś takija majki hetaha brenda pradajucca pa 35 rubloŭ na papularnym i ŭ Biełarusi rasijskim markietpłejsie OZON.RU.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie39
Kamientary