Biełaruś zabaraniaje ŭjezd na svaju terytoryju fur, zarehistravanych u ES. Ale ź istotnym vyklučeńniem
Biełaruś pryniała miery ŭ adkaz u dačynieńni da transpartnych srodkaŭ, zarehistravanych u dziaržavach-členach Jeŭrapiejskaha Sajuza, paviedamiła pres-słužba Mintransa. Z 00.00 16 krasavika 2022 hoda ŭvodzicca zabarona na pieramiaščeńnie praz mytnuju miažu Jeŭrazijskaha ekanamičnaha sajuza ŭ Biełaruś aŭtatranspartnych srodkaŭ (aŭtamabilaŭ i ciahačoŭ), zarehistravanych u Jeŭrapiejskim Sajuzie.
Praduhledžvajucca, adnak, vyklučeńni: kali aŭtatranspartnyja srodki iduć praz peŭnyja punkty propusku ŭ śpiecyjalna ŭstanoŭlenyja miescy dla ažyćciaŭleńnia hruzavych apieracyj i pieračepki.
Vyznačajecca i pieralik takich miescaŭ, a inšyja moža vyznačać Dziaržaŭny mytny kamitet pa ŭzhadnieńni ź Mintransam.
Na transpartnyja srodki, zarehistravanyja ŭ ES, jakija pieravoziać paštovyja adpraŭleńnia i žyvych žyvioł, zabarony nie raspaŭsiudžvajucca.
Taksama zabarona nie prymianiajecca da 23 krasavika 2022 hoda da transpartnych srodkaŭ, zarehistravanych u ES, jakija zajechali na terytoryju Biełarusi da 16 krasavika hetaha hoda.
U Biełarusi, jak i ŭ minułym hodzie, na pieradnavahodnija chviliny adklučyli jutub19
Kamientary