Zialenski: Ukraina nie addaść terytoryi na ŭschodzie, kab skončyć vajnu
Prezident Ukrainy ŭ intervju CNN zajaviŭ, što Ukraina hatova zmahacca za Danbas. Heta bitva moža paŭpłyvać na chod usioj vajny.
Kali Rasii ŭdasca zachapić Danbas, niama harantyj, što jana nie pasprabuje znoŭ zamachnucca na Kijeŭ, ličyć Zialenski.
«Tamu što ja nie daviaraju rasijskim vajskoŭcam i rasijskamu kiraŭnictvu. Tamu my razumiejem, što toje, što my ich adbili, i jany syšli, i jany ŭciakali ad Kijeva — z poŭnačy, z Čarnihava i z hetaha kirunku — heta nie značyć, što kali im udasca zachapić Danbas, jany nie pryjduć dalej da Kijeva», — zajaviŭ jon.
Aficyjny Kijeŭ hatovy da dyjałohu z Maskvoj.
«Kali jość mahčymaść razmaŭlać, to my budziem razmaŭlać, ale nie na padstavie rasijskaha ŭltymatumu», — skazaŭ prezident Ukrainy.
Čym chutčej takaja razmova pačniecca, tym mienš ludziej zahinie, adnak nie vyklučany i inšy varyjant.
«My možam zmahacca z Rasijskaj Fiederacyjaj i 10 hadoŭ», — zajaviŭ Zialenski.
Ale pakul ukrainskaje hramadstva nie choča praciahu dyjałohu.
«Šancy mienšajuć kožny dzień, — vykazaŭsia Zialenski pra pierśpiektyvy pieramovaŭ z Rasijaj. — Padumajcie pra Buču, Vałnavachu, Baradzianku, Maryupal. Nadychodzić čas, kali nichto nie choča havaryć. Naša hramadstva nie choča, kab my praciahvali pieramovy».
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary