Nakolki padaražeła sadavina i harodnina za čas praduktovaha «embarha»
U Biełarusi vyklučyli z praduktovaha «embarha» niekatoryja vidy harodniny i sadaviny. Pahladzieli, jak źmianilisia ceny na ich za čas dziejańnia abmiežavańniaŭ na impart.
Ceny na niekatoryja pradukty my zafiksavali ŭ śniežni. Zabarona na ich uvoz z «niedružalubnych» krain pačała dziejničać z 1 studzienia.
Za hety čas, naprykład, jabłyki padaražali na 90-105 pracentaŭ. Kali ŭ kancy minułaha hoda na pryłaŭkach byli tannyja polskija, to ciapier — darahija tureckija płady. Časam sustrakajucca rasijskija jabłyki, ale da taho, jakaja sapraŭdy kraina ich pachodžańnia, uźnikaje pytańnie.
Padobnyja źniešnie hrušy dadali ŭ canie 28 pracentaŭ. Ciapier u kramach pradajucca tureckija frukty zamiest rajniešych bielhijskich.
Sałodki pierac staŭ kaštavać bolš u dva razy — plus 107 pracentaŭ. U śniežni heta byŭ pierac ź Ispanii, ciapier — z Turcyi.
Pastanova Saŭmina №245 vyvodzić z-pad abmiežavańniaŭ taksama impart ź Jeŭropy sałatnaj harodniny, bakłažanaŭ, harbuzoŭ, kabačkoŭ. Dakumient nabyvaje moc 27 krasavika.
Nahadajem, za apošnija miesiacy istotna vyraśli ceny na niekatoryja inšyja pradukty. Tak, cukar za adnu noč padaražaŭ amal na 40 pracentaŭ. Ułady tłumačyli, što heta previentyŭnaja miera dla abarony ŭnutranaha rynku.
«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA10
Kamientary