«A jaho ŭsio roŭna na adnu łaŭku z Pucinym». Cyhankoŭ patłumačyŭ antyzachodnija vypady Łukašenki na paradzie Pieramohi
«Pakińcie nas u spakoi!» Heta, badaj, adzin z asnoŭnych tezisaŭ Łukašenki padčas pramovy. «Nie pieraškadžajcie nam katavać ułasnych hramadzian, źniščać usio žyvoje, kraści vybary i dziarbanić krainu». Žurnalist Vital Cyhankoŭ — pra ahresiŭny vystup Łukašenki na paradzie 9 maja.
«Tezis nie novy. Ale siońnia Łukašenka, vystupiŭ, badaj, z najbolš ahresiŭnaj antyzachodniaj pramovaj za ŭvieś čas svajho kiravańnia.
Nie vyklučaju, što jaho raźjušyła niadaŭniaja zajava lidaraŭ vialikaj siamiorki — «My prykładziom usie namahańni, kab pryciahnuć prezidenta Pucina i architektaraŭ i saŭdzielnikaŭ hetaj ahresii, uklučajučy režym Łukašenki ŭ Biełarusi, da adkaznaści za ich dziejańni ŭ adpaviednaści ź mižnarodnym pravam».
Ujavicie sabie, niekalki tydniaŭ jon usim dakazvaje, što «heta nie ja», što Biełaruś ni pry čym da ahresii, u niadaŭnim intervju Associated Press byŭ bolš miralubnym za Čembierlena ŭ Miunchienie — a jaho za heta ŭsio roŭna na adnu łaŭku z Pucinym.
Ludzi ŭžo pačali abmiarkoŭvać, ci nie pačynaje Łukašenka «pieraabuvacca» (što ja, naprykład, liču, absalutna stratehična niemahčymym, jon užo nikoli nie «pieraabujecca») — a tut «pryciahnuć da adkaznaści».
Voś jaho i paniesła — «kryvadušniki, miarzotniki», «dzie pasły?»
I tak prykolna, kali jon u svajoj pramovie źviartajecca da «narodaŭ Zachadu», bo «vašy ŭłady nie skažuć vam sapraŭdnaj praŭdy». Całkam łahična dla lektara tavarystva «Znanije», jaki ŭ Łukašenki nikudy nie padzieŭsia».
Na Dzień Pieramohi Łukašenka vystupiŭ z ahresiŭnaj pramovaj, źnievažaŭ Ukrainu i krainy Zachadu
Kamientary