Kultura

«Pracy źniali pa patrabavańni čynoŭnikaŭ Minkulta». Sa stratami ad cenzury ŭ Minsku adkryŭsia fiestyval «Art-Minsk»

12 maja ŭ Minsku ŭ Pałacy mastactva adkryŭsia fiestyval «Art-Minsk». 240 aŭtaraŭ na im pradstaŭlajuć tvory, stvoranyja za apošnija try hady. Mastaki zajaŭlajuć pra cenzuru.

Jak raspaviali «Našaj Nivie» mastaki, u apošni momant na vystavu nie puścili niekalki dziasiatkaŭ tvorcaŭ, bo jany — «niadobranadziejnyja». Usio imiony z «čornaha śpisu» pakul nazvać ciažka, ale viadoma, što siarod ich, naprykład, Alaksandr Bielski, Nadzieja Leanovič, Kirył Chłopaŭ, Słava Navasłaŭski, Ania Radźko, Hanna Silivončyk, Liza Chichłuška i inšyja.

«Maje pracy byli źniatyja z ekspazicyi pa patrabavańni čynoŭnikaŭ Minkulta», — tłumačyć Kirył Chłopaŭ.

Mastaka Alaksandra Bielskaha taksama źniali z udziełu. Heta adbyłosia ŭžo paśla abjaŭleńnia ŭdzielnikaŭ festu.

Źniatyja z vystavy raboty Alaksandra Bielskaha

Alaksandr Bielski paćvierdziŭ @by_culture fakt źniaćcia jaho karcin. «Ja liču, što heta cenzura Ministerstva kultury», — skazaŭ jon.

Inšy mastak na ŭmovach ananimnaści prakamientavaŭ situacyju tak: «U hetym hodzie było zahadzia ŭsio zrazumieła. Zjavilisia jabaćki-aktyvistki, manitorać vystavy. Źniali Hrynieviča, Ivanova, zakryli vystavu skulptury ŭ Hrodna… Napeŭna, niekatoryja biełaruskija mastaki nie vielmi cikaviacca situacyjaj u krainie. Takija «łancužnyja sabaki» jość ciapier u kožnym abłasnym horadzie. Aktyŭna prasoŭvajuć rasijskuju paviestku, topiać za vajnu. Navat ministerstva kultury pierad imi pasuje».

Mastačka Liza Chichłuška štohod vystaŭlałasia na fieście «Art-Minsk», u minułym hodzie atrymała dypłom «za hrafiku», ale sioleta trapiła ŭ śpis «niepatrebnych mastakoŭ».

Pa jakoj łohicy zdymajucca pracy, niezrazumieła, bo niekatoryja mastaki padavali na vystavu zvyčajnyja piejzažy, ale, vidać, sprava ŭ imionach, a nie ŭ kankretnych tvorach.

Znakavy vypadak taksama zdaryŭsia ŭ Hrodna. Tam adzin dzień praisnavała vystava «SKULPTURA». Jana pavinna była pracavać da kanca maja. Ale z 30 krasavika jaje zakryli. Hrupavaja vystava pavinna była pakazać tvorčaść staličnych majstroŭ, siarod jakich jak viadomyja proźviščy, tak i maładyja mastaki.

Jak paviedamlaje Hrodna.life, z prośbaj zakryć vystavu da ŭładaŭ źviarnułasia aktyvistka Volha Bondarava. Na jaje dumku, niekatoryja mastaki, jakija ŭdzielničali ŭ joj, viadomyja antydziaržaŭnymi vykazvańniami. I vystavu čynoŭniki sapraŭdy zakryli.

Fiestyval mastactva «Art-Minsk» prachodzić z 2018 hoda i źjaŭlajecca adnym z najbujniejšych vystavačnych prajektaŭ u krainie. Sioleta ŭ takim adcenzuravanym farmacie jon praciahniecca da 12 červienia.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama

Usie naviny →
Usie naviny

Handlovaja palityka Donalda Trampa prymušaje zbližacca Indyju i Kitaj1

«Zub nie brali, bo adsutničała hałava». Sudmiedekśpierty raskazali, jak identyfikujuć viernutyja Rasijaj cieły ŭkrainskich vajskoŭcaŭ

«Stahodździe prynižeńnia» Jeŭropy moža tolki pačynacca — Politico9

Łukašenka nakarmiŭ ministra sielskaj haspadarki morkvaj7

«Jany horšyja za francuzaŭ, my trapili z ahniu dy ŭ połymia». Jak «Vahnier» pravaliŭsia ŭ Mali5

Rasija padbiła adzin z vajskovych karabloŭ Ukrainy

Biełaruskich bijatłanistaŭ nie puściać na Alimpijadu navat u niejtralnym statusie5

Rasijski prapahandyst Uładzimir Sałaŭjoŭ zarabiŭ na prapahandzie vajny va Ukrainie za dva hady bolš za 370 tysiač dalaraŭ7

Źnikły Kotaŭ vyjechaŭ z Turcyi moram — mahčyma, u bok Rasii24

bolš čytanych navin
bolš łajkanych navin

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9

Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama

Hałoŭnaje
Usie naviny →

Zaŭvaha:

 

 

 

 

Zakryć Paviedamić