Vybar na źjeździe budzie rabicca pamiž prychilnikami roznych taktyk dziejańnia ŭ 2010 hodzie, i nie bolš.
5 vieraśnia adbudziecca Źjezd Partyi BNF. Na pasadu staršyni partyi pretendujuć pradstaŭniki dvuch pakaleńniaŭ i dvuch palityčnych chaŭrusaŭ. Heta Viktar Ivaškievič i Alaksiej Janukievič.
Ivaškievič — daśviedčany palityčny bajec. Jon pryjšoŭ u palityku u 1980‑ia, praz «Tałaku». Jon naležyć da supołki, jakaja raspačała zmahańnie za niezaležnaść Biełarusi. Tady heta było źviazana jašče z ryzykaj dla žyćcia.
Janukievič pryjšoŭ u palityčny ruch na chvali baraćby za abaronu niezaležnaści ŭ siaredzinie 90‑ch. Hety chłopiec taksama nie złomak: mienavita jon uznačaliŭ «Małady front», kali pasadzili Sieviarynca i isnavała pahroza aryštu prosta za fakt kiravańnia hetaj arhanizacyjaj. Inšy mocny bok Janukieviča — dobraja BDEUšnaja adukacyja, jakaja daje jamu lepšaje razumieńnie ekanamičnych pracesaŭ.
Na siońnia Ivaškievič zastajecca viernym siabrom svajho tałakoŭska‑vaśmidziesiatnickaha pakaleńnia (Barščeŭski, Arłoŭ, Viačorka). Ź inšaha boku, jon maje ciesnyja suviazi z hrupaj jaskravych palitykaŭ‑adzinakoŭ i niepartyjnych dysidenckich hrupaŭ («Chartyja‑97», Kazulin, apošnim časam taksama Statkievič).
Janukievič nie maje vyraznaje hrupoŭki ŭ zapleččy, ale pa hadach jon naležyć da pakaleńnia (Michalevič, Hubarevič, Sałaš), jakoje ŭ masie svajoj padtrymlivaje Ruch za Svabodu (RzS) Alaksandra Milinkieviča.
Koła Ivaškieviča bačyć u RzS i Milinkieviču pahrozu samastojnamu statusu svaich arhanizacyj i značeńniu svaich asobaŭ. Pakaleńnie Janukieviča bačyć u im, naadvarot, sajuźnika i šaniec na stvareńnie nacyjanał‑demakratyčnaj kaalicyi, bolš upłyvovaj za ciapierašnija razroźnienyja hrupoŭki.
Vialikaj roźnicy ŭ pohladach miž imi niama. Tamu
vybar na źjeździe budzie rabicca pamiž prychilnikami roznych taktyk dziejańnia ŭ 2010 hodzie, i nie bolš.
NN paznajomiła z pazicyjaj Janukieviča. A voś pieradźjezdaŭskaja arhumientacyja Viktara Ivaškieviča, jakuju jon vykłaŭ na sajcie svajoj partyi. Padajom jaje skaročana.
«Ci moža Partyja BNF dziela dasiahnieńnia hetych [źmieny kursu Biełarusi — NN] metaŭ zrabić staŭku na Alaksandra Milinkieviča?
Ja adkazvaju: nie.
Bo Milinkievič i jaho akružeńnie stali na šlach prystasavanstva da režymu i supracoŭnictva ź im. Lidery «Ruchu za svabodu» zajaŭlajuć, što pieramahčy Łukašenku niemahčyma, treba pastupova jaho ŭciahvać u eŭrapiejskija prahramy supracoŭnictva, što ŭ svaju čarhu, maŭlaŭ, hadoŭ praz 20 pryviadzie da transfarmacyi «apošniaj dyktatury Eŭropy» u «krainu, pierachodnuju da demakratyi».
Ci moža Partyja BNF pierakłaści adkaznaść za budučyniu Biełarusi na Kazulina, Sańnikava, Šuškieviča ci Statkieviča?
Ja adkazvaju: nie.
Bo, pry ŭsioj pavazie da pryncypovaj pazycyi hetych ludziej, viedaju, što jany nia majuć nieabchodnych strukturaŭ dla zboru 100 tys. podpisaŭ za kandydata ŭ prezydenty.
Ci moža Partyja BNF pahadzicca być na druhich rolach u pieradvybarčych štabach Kalakina, Labiedźki, inšych?
Ja adkazvaju: nie.
Bo ichnyja partyjnyja struktury słabiejšyja za našyja. A adnaŭleńnie hulniaŭ z Maskvoj niasie niebiaśpieku biełaruskaj niezaležnaści.
Mienavita Partyja BNF i jaje lider Lavon Barščeŭski abaviazanyja ŭziać na siabie adkaznaść pamianiać u bližejšy čas režym asabistaj ułady Łukašenki i vyvieści Biełaruś na cyvilizavany eŭrapiejski šlach.
Što dziela hetaha treba zrabić?
1. Vyłučyć na źjeździe Partyi BNF 5 vieraśnia Lavona Barščeŭskaha kandydatam u prezydenty.
...
3. Paśla ahitacyjnaj kampanii ŭ vieraśni – kastryčniku pravieści ŭ listapadzie Kanhres pracoŭnych kalektyvaŭ, dzie pryniać patrabavańni da Łukašenki ab sacyjalnaj abaronie ludziej i ab praviadzieńni vybaraŭ pavodle zakanadaŭčych normaŭ, raspracavanych ADS.
...
5. U sakaviku 2010 h., kali prahnazujecca abvastreńnie sacyjalna‑ekanamičnaha kryzysu ŭ Biełarusi, vyjści na masavyja akcyi pratestu z patrabavańniami sacyjalnaj abarony i svabodnych vybaraŭ jak adzinaha šlachu pieraadoleńnia kryzysu.
6. U krasaviku – traŭni 2010 h. damahčysia pryznańnia ŭsimi demakratyčnymi arhanizacyjami Lavona Barščeŭskaha adzinym kandydatam u prezydenty ad demakratyčnych siłaŭ.
...».
Raźviedka ZŠA: Biełaruś stała pieradavym vajskovym płacdarmam Rasii24
Kamientary