Kiraŭnik utvareńnia Dzianis Pušylin abviaściŭ, što ŭ «DNR» źjavicca ŭłasny «handlovy fłot», a dla pieravozki hruzaŭ buduć vykarystoŭvacca sudny, «nacyjanalizavanyja» ŭ porcie Maryupala.
Pa słovach Pušylina, sudny buduć pierajmienavanyja i pačnuć chadzić pad novymi ściahami. Usiaho deeneraŭcy prysvoili 34 sudny.
Rašeńnie ab pierachodzie karabloŭ u «jurysdykcyju DNR» užo pryniataje, zajaviŭ jon.
Port nibyta pačaŭ pracu jašče 28 maja. Tady tudy prybyło rasijskaje sudna dla pahruzki mietału. Płanujecca, što budzie vyvieziena 2,5 tysiačy ton stali.
Kamientary