Adzin ź lideraŭ apazycyi vinšuje biełarusaŭ z Dniom niezaležnaści i zaklikaje nie adčajvacca.
16 hadoŭ tamu była pryniata Deklaracyja ab dziaržaŭnym suverenitecie Biełaruskaj SSR. Z hetaj nahody biełaruski narod pavinšavaŭ lider Abjadnanych demakratyčnych siłaŭ Alaksandar Milinkievič.
U zvarocie, raspaŭsiudžanym pres-słužbaj lidera apazycyi, padkreślivajecca: akt 27 lipienia «staŭ pieršym aficyjnym krokam da niezaležnaści Biełarusi. Mienavita ad hetaha dnia pačaŭsia adlik novaj historyi našaj krainy».
Palityk zaznačaje, što «svaboda dadzienaja čałavieku dla taho, kab kožny moh žyć paŭnavartasnym žyćciom – i nia tolki ŭ maralnym, ale i fizyčnym aspekcie. Svajo prava być svabodnym i niezaležnym čałavieku davodzicca pastajanna dakazvać. Słabyja – zdajucca, a mocnyja adstojvajuć hetaje prava. (…) Tolki zdabyŭšy svabodu i niezaležnaść možna budavać dabrabyt».
A. Milinkievič źviartaje ŭvahu na toje, što prablema niezaležnaści niepasredna źviazana z pabudovaj demakratyi, harant pabudovy svabodnaha hramadztva.
«Lohika padziejaŭ i zdarovy sens havorać pra toje, što svaboda abaviazkova vierniecca ŭ Biełaruś, a niezaležnaść krainy stanie vielizarnaj kaštoŭnaściu ŭsiaho biełaruskaha narodu», – zaznačaje lider apazycyi.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary