U 96% chvorych dyjahnastujecca «stełs-amikron». Pra heta ŭ efiry ANT raspaviała pieršy namieśnik ministra achovy zdaroŭja Biełarusi Alena Kratkova.
«Karanavirus nie sychodziŭ, jon zastajecca z nami, ale zachvorvańnie na vielmi nizkich pakazčykach, i tamu moža być i paŭstała takoje ŭražańnie, što jon syšoŭ. Ale heta nie čas rassłablacca», — raskazała Alena Kratkova.
Apošni raz Minzdaroŭja nazyvała kolkaść vypadkaŭ za dzień 10 maja, paśla hetaha paabiacaŭšy davać statystyku raz na miesiac.
Pavodle namieśnika ministra, paradku 96% vypadkaŭ — stełs-amikron. Pakul u Biełarusi čaćviortaha i piataha padvidu amikrona nie vyjaŭlena.
Alena Kratkova zaklikała biełarusaŭ vakcynavacca, a tych, u kaho paśla pryščepki prajšło bolš za šeść miesiacaŭ-revakcynavacca.
«Imunitet vypracoŭvajecca try tydni. Tamu ja znoŭ-taki viartajusia da taho, što ciapier u nas čas padrychtavacca. Navat da samaha niespryjalnaha raźvićcia padziej. Mienavita majučy pakazčyk vakcynacyi, jany ŭ nas na siońnia niadrennyja — my dasiahnuli 70%, jakija stavili sabie zadaču da 1 červienia pa vakcynacyi dvuma kampanientami. Bolš za 20% dziaciej vakcynavana va ŭzroście ad 12 da 17 hadoŭ. Heta značyć, u nas prasłojka niadrennaja. Mienavita heta daje nam nadzieju, što navat kali i budzie ŭzdym, to jon pavinien prajści bolš miakka, nie tak jak papiarednija ŭzdymy karonavirusnaj infiekcyi» — zajaviła Alena Kratkova.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary