Premjer-ministr Armienii Nikoł Pašynian zhadaŭ Alaksandra Łukašenku ŭ suviazi sa skazanymi im u 2024 hodzie słovy pra toje, što, maŭlaŭ, «armianie nikomu nie patrebnyja», akramia Rasii i jaje partnioraŭ na postsavieckaj prastory. Jon uzhadaŭ pra heta, razvažajučy pra vybar pamiž Jeŭrapiejskim sajuzam i Jeŭrazijskim ekanamičnym sajuzam (JEAES), paviedamlaje Panorama.am.
«Čamu ŭ jakaści pieradumovy pastajanna zychodziać z taho, što my — «kiepski partnior»? Kamu i što kiepskaha zrabiła Respublika Armienija, što prezident Biełarusi zajaviŭ: «Dy kamu patrebna Armienija?» Jak možna tak kazać pra suvierennuju krainu?» — aburyŭsia Pašynian.
Jon vykazaŭ pierakanańnie, što Armienija «patrebnaja Kitaju, ZŠA, ES, Iranu, Hruzii, Francyi, Polščy, Hiermanii, Vialikabrytanii» — hetak ža sama, jak i ŭsie hetyja partniory patrebnyja samoj Armienii.
Pašynian nahadaŭ, što Armienija padpisała dakumienty ab stratehičnym partniorstvie z Kitajem, ZŠA, Vialikabrytanijaj, Niderłandami, Francyjaj i mnostvam inšych krain. Takoj kolkaści partnioraŭ u jaje raniej nie było, adznačyŭ jon.
«Rasija bačyć prablemu mienavita ŭ hetym: albo adnosiny pavinny być ekskluziŭnymi, albo adnosin być nie pavinna. My nie prymajem taki padychod», — skazaŭ kiraŭnik armianskaha ŭrada.
U žniŭni 2024 hoda Łukašenka raskrytykavaŭ palityčny kurs Jerevana ŭ intervju žurnalistu i deputatu Dziarždumy Jaŭhienu Papovu na telekanale «Rasija». Jon tady supraćpastaviŭ Biełaruś inšym postsavieckim dziaržavam, jakija pačynajuć «vichlać» i «ad Rasii chočuć čahości ŭziać, a ŭzamien ničoha nie dać».
«Kamu armianie patrebnyja, akramia nas? Nikomu. Jany nikomu nie patrebnyja. Chaj raźvivajuć svaju ekanomiku i zasiarodziacca na tym, što ŭ ich jość. Jakaja Francyja, jaki Makron? Zaŭtra Makrona nie budzie, i ŭsie zabuduć pra hetuju Armieniju», — zajaviŭ tady Łukašenka.
Jahonyja słovy vyklikali vialikaje abureńnie ŭ Armienii i spryčynilisia da mocnaha paharšeńnia ŭzajemnych adnosin, jakoje aktualnaje da hetaha času.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra3
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary
Tut, hałoŭnaje, kab adnosiny asabista da jaho z boku miravych lidaraŭ, aŭtamatam nie pieranosiliś na ŭsich nas, narod. A tak usio dobra: "sabaka breša - viecier nosić, karavan idzie".