«Ja jak pryjšoŭ, adrazu padumaŭ: zabojcy. Tak i akazałasia». Navalny raskazaŭ pra svoj novy atrad u kałonii
Alaksiej Navalny, jakoha tydzień tamu etapavali ŭ kałoniju strohaha režymu №6 u pasiołku Mielechava Uładzimirskaj vobłaści, raspavioŭ, što jaho adpravili ŭ adzin atrad z asudžanymi za zabojstvy.
U paście Navalnaha ŭ Instahramie havorycca, što atrad znachodzicca na całkam izalavanym ad astatniaj zony ŭčastku. «Turma ŭ turmie z zusim šalonym i małavynosnym režymam», — raspavioŭ palityk, paabiacaŭšy paźniej napisać pra heta padrabiaźniej.
«A viaźni dobryja. Spakojnyja takija, dobrazyčlivyja. Ja jak pryjšoŭ, adrazu padumaŭ: zabojcy. Tak i akazałasia. Amal usie zabojcy», — napisaŭ Navalny.
Pa słovach palityka, 9 hadoŭ, da jakich jaho pryhavaryli, — samy maleńki ŭ atradzie termin. «Tut 13-15 hod siaredni. Jość 19 i 20», — raspavioŭ Navalny.
«Ź ludźmi, u jakich doŭhija terminy, praściej siadzieć. Mituśni ŭsiakaj mienš, drobnych kanfliktaŭ. Chacia, viadoma, jany vielmi-vielmi zaležnyja ad administracyi. Kali termin «piatnaška», to UDV, jakoje skinie piać hadoŭ, — žyćciovy pryjarytet», — napisaŭ palityk.
22 sakavika Lefortaŭski sud Maskvy pryhavaryŭ Alaksieja Navalnaha da dzieviaci hadoŭ kałonii strohaha režymu pa abvinavačvańni ŭ machlarstvie i niepavazie da suda.
-
Za nibyta chaatyčnaj stratehijaj Trampa staić chitry raźlik. Voś čym heta pahražaje inšym narodam
-
Estonski kinołah raskazaŭ, jak jaho sabaka šukaŭ źnikłaha amierykanskaha sałdata na palihonie ŭ Padbrodździ i vydatna spraviŭsia
-
Pieršyja masavyja pratesty ŭ ZŠA paśla viartańnia Trampa ŭ Bieły dom. Sam jon hulaje ŭ holf
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie19
Kamientary