Zatrymali zasnavalnikaŭ «Ksoreksa». Častku vypuścili šukać hrošy na vykup, ceńnik za čałavieka — ad $100 tysiač
Jak stała viadoma «Našaj Nivie», zatrymali častku bieniefiecyjaraŭ kampanii «Ksoreks». Heta adzin z najbolšych pastaŭščykoŭ kampjutarnaj techniki ŭ Biełarusi. Pretenzii siłavikoŭ u tym, što kampanija nibyta zavyšała ceny pry pastaŭkach. Žonku zasnavalnika vypuścili šukać hrošy na vykup.
«Ksoreks» — heta kampanija, jakaja akazvaje pasłuhi B2B, inšymi słovami, nie asobnym ludziam, a adrazu kampanijam.
Jany pastaŭlajuć rašeńni ŭ tym liku dla dziaržaŭnych arhanizacyj: sistemy biaśpieki, sistemy kiravańnia infrastrukturaj, tabło, sistemy kanfierenc-suviazi, sistemy biaśpieki pradpryjemstvaŭ i hetak dalej.
Heta vielmi daŭni i pavažany hulec na rynku, ź niemałymi abarotami.
Niadaŭna byŭ zatrymany šerah zasnavalnikaŭ, u tym liku kiraŭnik kampanii Uładzimir Palidaviec. Zatrymlivali taksama jaho žonku, ale jaje vypuścili dla pošuku srodkaŭ na vykup — ad kamientaryjaŭ «Našaj Nivie» jana admoviłasia.
Jak nam viadoma, sumy za vykup top-mieniedžaraŭ pačynajucca sa $100 tysiač i vyšej.
Heta ŭžo nie pieršaja historyja dziaržaŭnaha rekietu z pačatku hoda. Tak, fihurantam «spravy traŭmatołahaŭ» łukašenkaŭcy załamili 10-kratnyja mulciplikatary «naniesienaj škody». U vyniku, kab vyjści, ludziam davodziłasia pradavać svaju nieruchomaść. Niekatoryja siadziać dahetul, bo nie majuć srodkaŭ na vykup.
Anałahičnyja historyi z vykupam za hrošy ŭ apošni čas stali trendam u łukašenkaŭskaj sistemie justycyi.
Čytajcie taksama:
Krynicy: Paśla hihanckaha vykupu na volu vyjšli top-mieniedžary banka BiełVEB
«Sprava traŭmatołahaŭ»: ludzi pradajuć kvatery i damy, kab raźličycca sa śledstvam pa dziesiacikratnym mulciplikatary
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ5
Kamientary