Затрымалі заснавальнікаў «Ксорэкса». Частку выпусцілі шукаць грошы на выкуп, цэннік за чалавека — ад $100 тысяч
Як стала вядома «Нашай Ніве», затрымалі частку бенефецыяраў кампаніі «Ксорэкс». Гэта адзін з найбольшых пастаўшчыкоў камп'ютарнай тэхнікі ў Беларусі. Прэтэнзіі сілавікоў у тым, што кампанія нібыта завышала цэны пры пастаўках. Жонку заснавальніка выпусцілі шукаць грошы на выкуп.
«Ксорэкс» — гэта кампанія, якая аказвае паслугі B2B, іншымі словамі, не асобным людзям, а адразу кампаніям.
Яны пастаўляюць рашэнні ў тым ліку для дзяржаўных арганізацый: сістэмы бяспекі, сістэмы кіравання інфраструктурай, табло, сістэмы канферэнц-сувязі, сістэмы бяспекі прадпрыемстваў і гэтак далей.
Гэта вельмі даўні і паважаны гулец на рынку, з немалымі абаротамі.
Нядаўна быў затрыманы шэраг заснавальнікаў, у тым ліку кіраўнік кампаніі Уладзімір Палідавец. Затрымлівалі таксама яго жонку, але яе выпусцілі для пошуку сродкаў на выкуп — ад каментарыяў «Нашай Ніве» яна адмовілася.
Як нам вядома, сумы за выкуп топ-менеджараў пачынаюцца са $100 тысяч і вышэй.
Гэта ўжо не першая гісторыя дзяржаўнага рэкету з пачатку года. Так, фігурантам «справы траўматолагаў» лукашэнкаўцы заламілі 10-кратныя мульціплікатары «нанесенай шкоды». У выніку, каб выйсці, людзям даводзілася прадаваць сваю нерухомасць. Некаторыя сядзяць дагэтуль, бо не маюць сродкаў на выкуп.
Аналагічныя гісторыі з выкупам за грошы ў апошні час сталі трэндам у лукашэнкаўскай сістэме юстыцыі.
Чытайце таксама:
Крыніцы: Пасля гіганцкага выкупу на волю выйшлі топ-менеджары банка БелВЭБ
«Справа траўматолагаў»: людзі прадаюць кватэры і дамы, каб разлічыцца са следствам па дзесяцікратным мульціплікатары
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары