U art-kaviarni «Dobryja myśli» razharnułasia vystava Alesia Šaternika «Biełaruś Śviataja». Niahledziačy na pretencyjozny nazoŭ, heta vielmi jarkaja, lohkaja j śvietłaja ekspazycyja. Tyja, chto viedaje darobak Šaternika jak hruntoŭnaha majstra-skulptara, buduć ščyra ździŭlenyja amal biazvažkaj, prazrystaj častkaj jahonaje tvorčaści.
U art-kaviarni «Dobryja myśli» razharnułasia vystava Alesia Šaternika «Biełaruś Śviataja». Niahledziačy na pretencyjozny nazoŭ, heta vielmi jarkaja, lohkaja j śvietłaja ekspazycyja. Tyja, chto viedaje darobak Šaternika jak hruntoŭnaha majstra-skulptara, buduć ščyra ździŭlenyja amal biazvažkaj, prazrystaj častkaj jahonaje tvorčaści.
Talenavity čałaviek – talenavity va ŭsim. My viedajem Šaternika-paeta, Šaternika-publicysta, Šaternika – hramadzkaha dziejača. Ciapier, vyśvietliłasia, jon jašče j žyvapisiec. Apošniaje dziesiacihodździe majstar niastomna eksperymentuje ŭ hetym žanry. Jaho možna ŭbačyć i z eciudnikam u palach vakoł Błakitnych azioraŭ, i za varštatam u jahonaj majsterni. Lohkija žyvapisnyja impresii mastaka viartajuć nam pieršarodny sens mastactva – prosta raspavieści pra śviet naš ułasnymi srodkami. I śviet Šaternika zachaplaje svajo niepasrednaściu, ščyraściu j niazmušanaściu. Biez nastaŭleńniaŭ, manifestaŭ i patetyki.
Choć biez patetyki nie abyšłosia. Vystavu «Biełaruś Śviataja» adkryvaje vialikaje pałatno «Ŭsiasłaŭ Połacki», na jakim kniaź-čaradziej pradstaŭleny vieršnikam-vołatam miž błakitnych dalahladaŭ, u smuzie jakich łunajuć bieł-čyrvona-biełyja ściahi. Voś tut i zhadvaješ, što maestra pieradusim skulptar. I konny partret lehiendarnaha kniazia vyhladaje najpierš jak žyvapisny eskiz taho samaha słavutaha ŭžo pomnika, što Aleś Šaternik prapanuje Połacku. I ŭ hetkim vykanańni vobraz połackaha kniazia hladzicca nia horš.
Mastak lohka j niazmušana piša interjery śviatyniaŭ, nienatužna vypisvajučy niaprostyja perspektyvy architekturnych detalaŭ. Dośvied admysłoŭca-interjerščyka tut nadajecca jamu jak najlepiej.
Taksama na vystavie pradstaŭleny tuzin razmaitych krajavidaŭ, kožny ź jakich jość čaścinaju aŭtarskaje bijahrafii, pra što Šaternik moža raspaviadać va ŭłaścivaj jamu zachaplalnaj maniery. I hetaje zachapleńnie mižvoli pieradajecca hledaču. Ale zachapleńnie, badaj, nie ad pryvatnych raspoviedaŭ, a ad čyścini zvonkich farbaŭ, jakimi aperuje mastak. Na pałotnach pierad nami paŭstaje jahonaja Biełaruś. Napradvieśni i ŭ šykoŭnym vosieńskim bućvieńni, u smuzie adližnaj šaraj hadziny i ŭ piarestym zichacieńni miljonaŭ našych krasak.
❏
Vystavu možna ŭbačyć pa adrasie: kaviarnia «Falvarak «Dobryja myśli»» (Mahiloŭskaja, 12). Prajezd da st. m. «Instytut kultury».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1414
Kamientary