Jeŭrapiejski Sajuz pabuduje ŭ Brusieli bunkier dla pieramovaŭ lidaraŭ. Jon budzie abaronieny ad rasijskich abo lubych inšych prasłuchoŭvańniaŭ, piša EUObserver sa spasyłkaj na miemarandum, jaki jość u rasparadžeńni redakcyi.
Košt bunkiera składzie kala 8 młn jeŭra. U im zmohuć adnačasova znachodzicca kala 100 čałaviek: da 34 kiraŭnikoŭ, 34 pratakalisty, a taksama inšy piersanał.
Hety pakoj taksama moža vykarystoŭvacca dla sustreč na bolš nizkim uzroŭni — z pasłami i inšymi vysokapastaŭlenymi asobami ES.
Bunkier budzie adklučany ad interneta, ale budzie mieć unutranuju technałohiju kanfierenc-suviazi, zabiaśpiečany vialikim ekranam ź mikrafonami, padklučanymi da 30 kabinak ź pierakładčykami. Zała pasiadžeńniaŭ i kabiny buduć «zakutyja» ŭ izalacyjny karkas, siertyfikavany NATA.
Kožny, chto ŭvachodzić u bunkier (navat prybiralnik), pavinien mieć dopusk Secret EU, a taksama pakinuć u śpiecyjalnych šafkach pa-za bunkieram noŭtbuki, telefony, smarthadzińniki i navat słychavyja aparaty.
Abjekt płanujecca pabudavać da 2024 hoda ŭ kompleksie Rady ES u Brusieli, dzie ŭžo pravodziacca samity. Dakładnaje miesca jašče nie vyznačana. Mierkavany košt prajekta — 8 miljonaŭ jeŭra.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary
kłass! )