Statkievič: Ja dahetul znachodžusia ŭ karancinnaj kamiery. Adčuvaju siabie dobra
Maryna Adamovič padzialiłasia ŭ siabie ŭ Fejsbuku navinami ad muža. Mikoła Statkievič, asudžany na 14 hadoŭ źniavoleńnia, byŭ pieraviedzieny ŭ Hłybockuju kałoniju №13 asablivaha režymu.
«Na siońnia [11 lipienia] heta apošni pa časie atrymany ad Mikałaja list. Chvalujusia vielmi», — napisała Maryna Adamovič
«Ja dahetul znachodžusia ŭ karancinnaj kamiery. Adčuvaju siabie dobra.
Uznaviŭ zaniatki fizkulturaj. Tut dahetul jašče nie pryniataje rašeńnie pa majoj zajavie «ab pahrozie… ad supracoŭnikaŭ». Sprabujuć mianie adhavaryć ad jaje [Mikoła Statkievič napisaŭ zajavu na adzinočnaje ŭtrymańnie — NN].
Učora davaŭ na hety kont tłumačeńni načalniku kałonii. Patłumačyŭ, što maich sukamiernikaŭ sistematyčna prymušajuć napisać zajavy pra majo nibyta pryznańnie im u «złačynstvie». Jak ja zrazumieŭ, pieršaja «sprava» pa art. 342 była zaviedzienaja pa zajavie majho sakamiernika ŭ CIPie.
Druhaja «sprava» pa č. 2 art. 293 była zaviedzienaja pa zajavie majho sakamiernika na «Vaładarcy». Ciapier takija zajavy mohuć być vykarystanyja dla ŭzbudžeńnia «spraŭ» užo suprać maich znajomych. Aryšty ž nie spyniajucca.
I ty pamiataješ, jak vosieńniu 2011 hoda ŭ Škłovie adzin aryštant pryznaŭsia mnie, što jaho prymusili napisać zajavu pra majo «pryznańnie» ab «złačynstvie», nibyta ŭčynienym taboj. Nie viedaju, ci hety čałaviek sumlenna pryznaŭsia, ci to jaho vykarystali dla cichaha šantažu. Ale ja tady pieradaŭ tabie infarmacyju pra hruby šantaž, a publičnaść zrabiła hetuju pravakacyju niemahčymaj. Tamu ciapier, choć ja i nie maju nijakich aryštanckich «prablem», mušu siadzieć adzin. Choć mnie tut užo i pahražali pakarańniem. Ledź nie zabyŭ — pastaŭleny na ŭlik, jak «ekstremist»
…Dziakuj za naviny z Ukrainy. Nu, ja tabie ŭžo kazaŭ, što nieŭzabavie linija frontu tam stabilizujecca. Prynamsi vosieńniu — ź vialikaj vierahodnaściu».
«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK10
Kamientary