Pra toje, što biełarusy čakajuć zialonaje na śviatłafory navat unačy ŭ pustym horadzie, a taksama hatovyja nieści śmiećcie da śmietnicy choć kiłamietr, chodziać lehiendy. A što jašče?
U tyktok-akaŭncie naračanskaha sanatoryja «Pryaziorny» źjaviłasia videa, na jakoje, mabyć, natchnili naviedvalniki. Padpisany rolik tak: «Kali nadyšoŭ čas vysialacca, ale ty ź Biełarusi». U roliku dziaŭčyna źbirajecca pakinuć numar, ale nie moža. Jana bačyć biesparadak, zdymaje abutak i kidajecca prybirać usio ŭ pakoi: vykidvaje śmiećcie, zaściłaje łožak, akuratna składaje ručniki.
Za sutki rolik nabraŭ kala 200 tysiač prahladaŭ i 8300 łajkaŭ. Šmat chto pryznaŭsia ŭ kamientaryjach, što sapraŭdy paznaŭ siabie. Pakinuć nieprybrany numar dla biełarusaŭ psichałahična składana. Niechta navat pył imkniecca pracierci ŭ kancy adpačynku.
U kamientary pryjšli i tyja, chto pracuje ŭ hatelach. Jany adznačyli, što zvyčka haściej zapraŭlać łožak nie takaja karysnaja, jak moža padacca. Bo pakajoŭcy ŭsio roŭna pryjdziecca zdymać paścielu — jaje ž nieabchodna pamyć paśla kožnaha pastajalca.
Ale chucieńka vyśvietliłasia, što chapaje siarod biełarusaŭ i tych, chto ŭ hatelach pierad adjezdam zdymaje paścielnuju bializnu i akuratna składaje jaje stosam.
Były sanatoryj, u jakim adpačyvali biełaruskija kasmanaŭty, pradali za 420 rubloŭ
U Homieli vystavili na prodaž karabiel-hatel z usimi vyhodami
Dyrektar sanatoryja «Biełaruś» u Druskienikach pajšoŭ u sud u suviazi z pazbaŭleńniem jaho litoŭskaha DNŽ
U Rasii zaŭvažyli, što sanatoryj «Biełaruś» u Sočy 12 hadoŭ nie płacić za elektryčnaść
Kamientary
Voś tak i dałučajeciesia da raspaŭsiudu łukašysckaj paviestki🤷
Navošta tolki Naša Niva pryjadnoŭvajecca da raspaŭsiudu prapahandy?