Siarhiej Michałok i «Lapis Trubiacki» pieraśpiavali pieśniu «Voiny śvieta» pa-ŭkrainsku
Słovy pieśni pierakłaŭ viadomy ŭkrainski paet Siarhiej Žadan.
«Usim vajaram śviatła i vajaram dabra pryśviačajecca! U hety nialohki dla ŭsich nas čas vielmi važna zastavacca razam, zastavacca mocnymi, sapraŭdnymi vajarami!
Mienavita tamu my vyrašyli paradavać našych siabroŭ, našych bratoŭ i siaścior pieśniaj, jakuju vy ŭžo dobra viedajecie, jašče z 2014 hoda. Ale my chočam prezientavać vam jaje na lubimaj nami, i ja ŭpeŭnieny, mnohimi z vas movie, a taksama ŭ novaj akustyčnaj viersii.
Heta pieśnia pra svabodu i luboŭ, pra baraćbu i vieru, i pra pieramohu dabra nad złom», — raskazaŭ Siarhiej Michałok, pradstaŭlajučy pieśniu.
U klipie Siarhiej Michałok źniaŭsia sa svajoj siamjoj, a źniaty jon u estonskim Talinie.
Kamientary