18 vieraśnia. 18 vieraśnia na terytoryi Biełarusi pačalisia biełaruska-rasijskija apieratyŭna-stratehičnyja vučeńni «Zachad-2009». Ich tema — «Padrychtoŭka i prymianieńnie rehijanalnaj hrupoŭki vojskaŭ (sił) Respubliki Biełaruś i Rasijskaj Fiederacyi dla zabieśpiačeńnia vajennaj biaśpieki Sajuznaj dziaržavy».
Hałoŭnaja meta vučeńniaŭ — pravieryć mahčymaści Biełarusi i Rasii pa zabieśpiačeńni vajennaj biaśpieki Sajuznaj dziaržavy, jaje hatoŭnaść da adbićcia mahčymaj ahresii, a taksama pavysić zładžanaść orhanaŭ vajennaha kiravańnia, palavuju i pavietranuju vyvučku złučeńniaŭ i voinskich čaściej, jakija ŭvachodziać u skład RHV(S).
U asnovu zadumy vučeńniaŭ pakładzieny adzin z mahčymych varyjantaŭ raźviazvańnia vajennaha kanfliktu i sučasnyja pohlady na jaho praduchileńnie, a taksama viadzieńnie abarončych dziejańniaŭ. Admietnaściu zadumy ASV źjaŭlajecca praviadzieńnie pad ahulnaj nazvaj «Zachad-2009» sieryi nie źviazanych adzin z adnym ahulnym kamandavańniem vučeńniaŭ pa abarončaj tematycy.
Vučeńni projduć na terytoryi Respubliki Biełaruś u dva etapy: na pieršym etapie, što składzie piać sutak (z 18 pa 22 vieraśnia), asnoŭnyja namahańni płanujecca zasiarodzić na padrychtoŭcy abarončaj apieracyi RHV(S); na druhim etapie praciahłaściu siem sutak (z 23 pa 29 vieraśnia) asnoŭnaja ŭvaha budzie nadadziena acency efiektyŭnaści funkcyjanavańnia Adzinaj rehijanalnaj sistemy SPA Biełarusi i Rasii pa adbićci ŭdaraŭ z pavietra, kiravańni hrupoŭkami vojskaŭ padčas praviadzieńnia abarončych bajavych dziejańniaŭ.
Ahulnaja kolkaść vojskaŭ, jakija ŭdzielničajuć u kamandna-štabnych vučeńniach, składzie kala 12.600 čałaviek: Uzbrojenyja siły, inšyja vojski i voinskija farmiravańni Respubliki Biełaruś — kala 6.500 čałaviek, US RF — kala 6.000 čałaviek, Uzbrojenyja siły Kazachstana — kala 30 čałaviek. U adpaviednaści z płanam padrychtoŭki US pryzvana z zapasu prykładna 1.800 vajennaabaviazanych, jakija taksama biaruć udzieł u ASV.
U vučeńniach zapłanavany ŭdzieł hrupy rasijskich aficeraŭ sa składu Abjadnanaha kamandavańnia RHV(S), kiravańnia, złučeńniaŭ i voinskich čaściej 20-j armii Maskoŭskaj vajennaj akruhi, apieratyŭnaj hrupy Hałoŭnaha kamandavańnia VPS, Kamandavańnia vajenna-transpartnaj avijacyi, apieratyŭnaj hrupy Kamandavańnia PDV, kiravańnia i padraździaleńniaŭ 98-j pavietrana-desantnaj dyvizii.
Ad biełaruskich Uzbrojenych sił u vučeńniach biaruć udzieł strukturnyja padraździaleńni Ministerstva abarony, Hienieralnaha štaba, orhany vajennaha kiravańnia, pryznačanyja ŭ skład Abjadnanaha kamandavańnia RHV(S) z voinskimi čaściami (padraździaleńniami) suviazi, achovy i absłuhoŭvańnia, kamandavańnia vidaŭ i rodu US, apieratyŭnyja (apieratyŭna-taktyčnyja) kamandavańni, złučeńni i voinskija čaści radoŭ vojskaŭ, śpiecyjalnych vojskaŭ, uzbrajeńnia i tyłu Uzbrojenych sił.
Da ASV «Zachad-2009» taksama załučanyja apieratyŭnyja hrupy štaboŭ zon i rajonaŭ terytaryjalnaj abarony, sfarmiravanyja orhany kiravańnia i padraździaleńni terytaryjalnych vojskaŭ Lidskaha rajona Hrodzienskaj vobłaści, Baranavickaha rajona Bresckaj vobłaści, Barysaŭskaha rajona Minskaj vobłaści, Lepielskaha i Aršanskaha rajonaŭ Viciebskaj vobłaści, Asipovickaha rajona Mahiloŭskaj vobłaści.
U vučeńniach biaruć udzieł respublikanskija orhany dziaržaŭnaha kiravańnia: apieratyŭnyja hrupy, siły i srodki Ministerstva ŭnutranych spraŭ, Ministerstva pa nadzvyčajnych situacyjach, orhanaŭ Dziaržaŭnaj biaśpieki i Pahraničnaj słužby, Ministerstva achovy zdaroŭja, Ministerstva transpartu i kamunikacyj.
U vučeńniach zadziejničana bajavaja i śpiecyjalnaja technika, u tym liku 103 latalnyja aparaty (63 samaloty i 40 viertalotaŭ), prykładna 470 bajavych braniravanych mašyn, 228 tankaŭ, 234 artyleryjskija harmaty, minamioty i RSZA.
Asnoŭnaje miesca praviadzieńnia apieratyŭna-stratehičnych vučeńniaŭ — Abuz-Lasnoŭski palihon, dzie 29 vieraśnia buduć adpracavanyja asnoŭnyja mierapryjemstvy praktyčnych dziejańniaŭ vojskaŭ.
Asobna na Barysaŭskim palihonie buduć prachodzić vučeńni pa płanie Hienieralnaha štaba Uzbrojenych sił RF. Ich zaduma nie źviazanaja z zadumaj ASV «Zachad-2009». Aktyŭnaja faza projdzie z 27 pa 28 vieraśnia.
ASV «Zachad-2009» praduhledžvaje dziejańni Uzbrojenych sił Biełarusi na terytoryi Rasii (Ašułuk, Cielamba).
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary