Volha Bondarava nie zmahła pieramahčy nie tolki Kirkorava, ale i Maldzisa
Astravieckaja rajonnaja biblijateka budzie nasić imia Adama Maldzisa niahledziačy na pratesty praŭładnaj aktyvistki Volhi Bondaravaj, aburanaj «bieskantrolnym razhułam nacyjanalistaŭ i prapolskich kałabarantaŭ», piša Reform.by. Jana prasiła miascovyja ŭłady pierahledzieć rašeńnie i nie prysvojvać biblijatecy imia Maldzisa.
Bondarava, praŭda, damahłasia taho, što na biblijateku nie stali viešać tabličku, ale ŭpraŭleńnie kultury Hrodzienskaha abłvykankama paviedamiła, što rašeńnie ab pierajmienavańni biblijateki admianiać nie budzie, bo jano adpaviadaje dziejnamu zakanadaŭstvu.
«Uličvajučy toj fakt, što va ŭpraŭleńnie kultury taksama pastupiŭ zvarot u padtrymku inicyjatyvy Astravieckaha rajvykankama pa prysvajeńni rajonnaj biblijatecy imia A. i.Maldzisa, jak viadomaha dziejača navuki i kultury, vybitnaha ŭradženca Astravieckaha rajona, admiena rašeńnia ŭ ciapierašni čas nie płanujecca», — havorycca ŭ adkazie čynoŭnikaŭ.
Bondarava rašeńniem zastałasia niezadavolenaja.
«Takoje adčuvańnie, što ŭ rajonie raźmiaščeńnia stratehičnaha abjekta ŭłady zajmajucca sabatažam dziaržaŭnaj biaśpieki ŭ infarmacyjnym poli», — napisała jana ŭ svaim telehram-kanale.
Uradženiec Astravieckaha rajona Adam Maldzis pamior u studzieni hetaha hoda va ŭzroście 89 hadoŭ. U červieni rajonnaj biblijatecy prysvoili jahonaje imia i źbiralisia ŭstalavać novuju tabličku na budynku 7 žniŭnia.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary