Sustreča kiraŭnika Biełarusi z Patryjarcham prajšła ŭ «ciopłaj siabroŭskaj atmaśfiery». Ale na adnu ź inicyjatyŭ Alaksandra Łukašenki kiraŭnik RPC adreahavaŭ vielmi rezka. Piša Jan Bujan («Salidarnaść»).
Sustreča kiraŭnika Biełarusi z Patryjarcham prajšła ŭ «ciopłaj siabroŭskaj atmaśfiery». Ale na adnu ź inicyjatyŭ Alaksandra Łukašenki kiraŭnik RPC adreahavaŭ vielmi rezka.
Jak viadoma, kiraŭnik Biełarusi padčas krasavickaha vizita ŭ Vatykan publična vystupiŭ ź inicyjatyvaj arhanizavać sustreču Patryjarcha z Papam Rymskim u našaj krainie.
«Siońnia jość unikalny šaniec zblizić našy pazicyi», — aptymistyčna śćviardžaŭ tady Alaksandr Łukašenka.
Biezumoŭna, žurnalisty nie mahli nie pacikavicca ŭ Patryjarcha Kiryła, što jon dumaje pra vysiłki Łukašenki ŭ spravie arhanizacyi sustrečy kiraŭnika RPC i pantyfika.
Adkaz maskoŭskaha hościa akazaŭsia ašałamlalnym.
Kiryłu ničoha nie kaštavała dypłamatyčna zmanieŭravać, zajaviŭšy, što jon vysoka cenić starańni kiraŭnika Biełarusi. U skrajnim vypadku, možna było skazać niešta niejtralnaje «na ŭsia Vola Boskaja». Ale…
— Pra hetyja vysiłki ja ničoha nie viedaju, — adrezaŭ Patryjarch.
I bolš raźvivać hetu temu nie staŭ.
Taki adkaz ciažka rascanić inakš, jak aplavuchu asabista Łukašenku. Atrymlivajecca, što kiraŭnik RPC paprostu nie razhledzieŭ tytaničnych vysiłak kiraŭnika Biełarusi pa zbližeńni pravasłaŭnaj i katalickaj cerkvaŭ.
Nasamreč Kirył chitruje. Patryjarch nie moža nie viedać pra vatykanskija zajavy Łukašenki. Adnak, miarkujučy pa ŭsim, u viarchach RPC heta inicyjatyva vyklikała tolki razdražnieńnie. Tamu Kirył demanstratyŭna praihnaravaŭ prapanovu kiraŭnika Biełarusi. Vyrazna kantrastuje z adkazam Patryjarcha kamientar Pantyfika (u pierakazie Alaksandra Łukašenki). Papa Rymski kudy bolš łajalna pastaviŭsia da idei kiraŭnika Biełarusi.
‑‑ Ja bačyŭ jaho zacikaŭlenaść, ‑‑ adznačyŭ u krasaviku Alaksandr Łukašenka. — Jon skazaŭ mnie: Hospad, mahčyma, adčynić hetyja dźviery, i ŭ chutkim časie sustreniemsia.
Kamientary