U ZŠA chtości vyjhraŭ samy vialiki džekpot u historyi — 2 miljardy dalaraŭ
Amierykanskaja łatareja Powerball abviaściła, što paśla rozyhryšu ŭ paniadziełak u adnym z nabytych kvitkoŭ supali ŭsie ličby. Takim čynam, pakul nieviadomy ŭładalnik ščaślivaha bileta sarvaŭ samy bujny džekpot u historyi — jaho pamier skłaŭ 2,04 młrd dalaraŭ, paviedamlaje Bi-bi-si.
Praŭda, na praktycy hety čałaviek (abo hrupa ludziej) mohuć atrymać našmat mienš. Kvitki Powerball kaštujuć 2 dalary, i ŭ pieramožcy jość mahčymaść vybrać albo adnarazovy (krychu mienšy) płaciež, jaki składzie 997,6 młn dalaraŭ da vypłaty padatkaŭ, albo atrymańnie poŭnaj sumy ŭ vyhladzie anuiteta (heta značyć štohadovaj vypłaty), jaki pieraličvajecca na praciahu 29 hadoŭ. Amal usie pieramožcy vybirajuć varyjant vypłaty najaŭnymi.
Pra taho, chto mienavita kupiŭ ščaślivy łatarejny bilet, pakul nie paviedamlajecca. Viadoma tolki, što bilet nabyli ŭ Kalifornii, na terytoryi Ałtadziny, niepadalok ad Łos-Andželesa.
Jašče adzin čałaviek vyjhraŭ 2 młn dalaraŭ, a 21 bilet pryniasie ŭładalnikam pa miljonie dalaraŭ.
Pa miery taho, jak na praciahu troch miesiacaŭ nikomu nie ŭdałosia adhadać zapavietnyja numary, pryzavy vyjhryš praciahvaŭ raści.
Pa danych Powerball, šancy na vyjhryš džekpota ŭ rozyhryšy składali adzin da 292,2 miljona.
Papiaredni suśvietny rekord pa pamiery džekpota byŭ u 2016 hodzie, kali 1,59 młrd dalaraŭ byli padzielenyja pamiž tryma hulcami Powerball.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary