Viačorka raspavioŭ, što budzie ź lehitymnaściu Cichanoŭskaj paśla 2025 hoda
Daradcu Śviatłany Cichanoŭskaj Franaka Viačorku «Jeŭraradyjo» spytała na strymie, što budzie z Ofisam Śviatłany Cichanoŭskaj i jaje lehitymnaściu paśla 2025 hoda. Tearetyčna Cichanoŭskaja atrymała lehitymnaść u 2020 hodzie da 2025 hoda. A što dalej?
Franak Viačorka kaža, što niama sensu pryviazvacca da vybarčych cykłaŭ. U 2020 hodzie faktyčna vybary nie adbyvalisia, Cichanoŭskaja prysiahu nie prymała. A jaje lehitymnaść skončycca z vykanańniem jaje misii. Jaje ž misija, kaža daradca Cichanoŭskaj, — heta praviadzieńnie novych vybaraŭ.
«Moža tak adbycca, što hetaja misija skončycca raniej, naprykład, kali vyjduć palityčnyja lidary z turmaŭ, zahlanie soniejka ŭ naša akonca, pačniecca śviata na našaj vulicy. Mahčyma, rola Cichanoŭskaj jak pierachodnaha lidara Biełarusi ŭžo i nie budzie patrebnaja, tamu što novyja ludzi voźmuć adkaznaść.
A moža stacca tak, što budzie zaciažnaja vajna, i joj [Cichanoŭskaj] treba budzie praciahvać bierahčy hetu biełaruščynu i Biełaruś, niachaj u vyhnańni», — kaža Viačorka.
Pavodle jaho, pryviazvacca da niejkaha vybarčaha cykła niama nijakaha sensu, tamu što my z vybarčych cykłaŭ u 2020-m hodzie vyjšli.
«I zaraz čakać, što ŭ 2025 hodzie budzie novy šaniec dla Biełarusi, heta značyć — ničoha nie rabić. Šaniec moža źjavicca zaŭtra, a moža — praz hod. Ale nie ŭpisvajemsia ŭ hetyja cykły, nie budujem vakoł ich niejkija teoryi, kali zakančvajecca lehitymnaść Cichanoŭskaj», — skazaŭ Viačorka.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary