Łukašenka — Šajhu: Usio, što biełarusy pa damovie pavinny zrabić, my zrobim. Vy ŭ hetym nie sumniavajciesia
Na sustrečy ministra abarony RF Siarhieja Šajhu z Alaksandram Łukašenkam abmiarkoŭvalisia pytańni pa bajavoj padrychtoŭcy i zładžanaści, ab «damoŭlenaści z prezidentam Rasii», ab abaronie terytaryjalnaj cełasnaści, piša Biełta.
«Dumaju, vam užo biełaruski ministr abarony raspavioŭ ab situacyi ŭ Biełarusi, ab padrychtoŭcy, bajavoj zładžanaści padraździaleńniaŭ Biełarusi i Rasii, jakija prysutničajuć u Biełarusi. Mušu skazać, što my surjozna da hetaha padyšli. I našy, i vašy aficery rychtujuć chłopcaŭ. I biełaruskich, i rasijan rychtujuć. Dla taho, kab u vypadku nieabchodnaści, pieršyja šerahi našy — abaroncy Sajuznaj dziaržavy — zmahli adbić lubuju ahresiju», — skazaŭ Łukašenka.
Jon adznačyŭ, što biełaruskaja i rasijskaja armija rychtujucca «jak adzinaja hrupoŭka, adzinaja armija siońnia».
«Słovam, tak, jak damaŭlalisia z prezidentam Rasii. Vy nie prosta ŭ temie, vy heta realizoŭvajecie z našym ministerstvam abarony. My ŭ hetym dačynieńni płany vykonvajem», — skazaŭ Łukašenka Šajhu, biez tłumačeńniaŭ, što majecca na ŭvazie.
Taksama na sustrečy z Šajhu Łukašenka vykazaŭsia nakont hatoŭnaści ukrainskaha boku da mirnych pieramovaŭ.
«Ja nie źbirajusia tut nikoha pałochać. Vy tym bolš. Usie ŭžo i tak napałochanyja-pierapałochanyja. Ale kali jany chočuć, kab my mirna žyli ŭ našym rehijonie, niahledziačy na toje, jak na heta hladziać praz akijan, i Rasija, i Biełaruś da hetaha hatovyja. Kali jany chočuć vajavać da apošniaha ni to ŭkrainca, ni to ŭžo tam palaka ci jašče najmitaŭ, nu, heta ich sprava, heta ich prava. Pakul, naprykład, ja i našy śpiecsłužby nie bačać, kab jany byli hatovyja da paŭnapraŭnych pieramovaŭ i pa-čałaviečy damaŭlacca», — zajaviŭ Łukašenka.
«Jany bačać, na našu dumku, jak praciahnuć vajnu. Nu, tady śpiecyjalnaja apieracyja nie spynicca. Napeŭna, vy heta viedajecie lepš. My abmianiajemsia dumkami. Słovam, usio, što biełarusy pa adkrytaj, realnaj damovie pavinny zrabić, my zrobim. Vy ŭ hetym nie sumniavajciesia».
Siońnia ministr abarony RF Siarhiej Šajhu niečakana prylacieŭ u Minsk.
Ministr abarony Respubliki Biełaruś Viktar Chrenin i ministr abarony Rasijskaj Fiederacyi Siarhiej Šajhu padpisali pratakoł pamiž Respublikaj Biełaruś i Rasijskaj Fiederacyjaj ab uniasieńni źmienaŭ u Pahadnieńnie pamiž Respublikaj Biełaruś i Rasijskaj Fiederacyjaj ab sumiesnym zabieśpiačeńni rehijanalnaj biaśpieki ŭ vajennaj śfiery ad 19 śniežnia 1997 hoda.
Sens hetych źmienaŭ nie paviedamlajecca.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary