Praktyčna nie spała ŭ ŠIZA, hublała prytomnaść — što stała pryčynaj špitalizacyi Maryi Kaleśnikavaj
Ekstrannaja špitalizacyja z prabadnoj jazvaj i pierytanitam stali vynikam niepraparcyjna žorstkaha ŭtrymańnia ŭ štrafnym izalatary, paviedamlaje telehram-kanał Viktara Babaryki.
Advakat bačyŭ Maryju ŭ kałonii 17 listapada. Paźniej źjaviłasia infarmacyja, što jaje źmiaścili ŭ štrafny izalatar.
U ŠIZA było vielmi chałodna, Maša praktyčna nie spała. Kab sahrecca, jana ŭvieś čas chadziła, zrabiła rekordnyja 15 tysiač krokaŭ pa maleńkaj kamiery ŭ adzin ź dzion. Detali Maša raspaviała baćku padčas sustrečy.
Na praciahu niekalkich dzion pierad špitalizacyjaj Maryja ŭ ŠIZA hublała prytomnaść, u jaje byŭ pavyšany cisk i młosnaść. Jana straciła prytomnaść u dušy, padrapaŭšy pry padzieńni nohi.
Doktar z kałonii adznačyŭ: u ŠIZA kožnuju ranicu pravodzicca ahlad, dzie źniavolenaja moža raskazać, što jaje turbuje. Nibyta z boku Maryi nie było zvarotaŭ. Pry hetym u ŠIZA joj davali tabletki ad cisku, jakija biez skarhaŭ na stan zdaroŭja nie dali b.
28 listapada Kaleśnikavaj vynieśli čarhovaje pakarańnie — jašče 10 sutak ŠIZA. Advakata nie puścili. Paśla abiedu ŭ hety dzień u jaje pačaŭsia kryzis: da prablem ź ciskam, młosnaściu i nieprytomnaściami dadaŭsia pakutlivy bol u straŭniku, Maša litaralna padała. Jaje pieraviali ŭ miedycynski stacyjanar, a ŭviečary bryhada chutkaj dapamohi ekstranna dastaviła Maryju ŭ balnicu.
5 śniežnia Alaksandru Kaleśnikavu dazvolili sustrecca z dačkoj u miedsančaści kałonii. Dziakujučy hetaj karotkaj sustrečy daviedalisia dakładnuju infarmacyju pra dyjahnaz Mašy i pra toje, što jaje ŭžo pieraviali sa špitala ŭ miedycynski stacyjanar u kałonii. Jana taksama raspaviała ab chodzie apieracyi i svaim samaadčuvańni, padziakavała daktaram za vyratavańnie žyćcia.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary