«Jon nie čakaŭ mianie pabačyć, spałochaŭsia». Cichanoŭskaja na samicie ABSIE ŭ Łodzi zrabiła sumiesnaje fota z pradstaŭnikom režymu
U Łodzi na pačatku śniežnia adbyłosia pasiadžeńnie Rady ministraŭ ABSE. Fatohrafy na im «złavili ŭ abjektyŭ» Śviatłanu Cichanoŭskuju i pradstaŭnika łukašenkaŭskich uładaŭ Andreja Dapkiunasa.
Łukašenkaŭski režym na samicie ABSIE ŭ Łodzi pradstaŭlaŭ Andrej Dapkiunas, pasoł Biełarusi ŭ Aŭstryi, stały pradstaŭnik Biełarusi pry ABSE. Uvohule tam musiŭ być ministr zamiežnych spraŭ Uładzimir Makiej, ale, jak viadoma, jon pamior niezadoŭha da samitu.
Fatohrafam Getty Images udałosia zafiksavać momant, kali Śviatłana Cichanoŭskaja znachodziłasia pobač z Dapkiunasam i nachiliłasia niešta jamu skazać.
Sama Cichanoŭskaja prakamientavała heta fota ŭ razmovie z «Radyjo Svaboda». Pavodle Cichanoŭskaj, jana, pabačyŭšy tabličku «Biełaruś» i Dapkiunasa kala jaje, padyšła da jaho.
«Ja viedała chto heta, padyšła da jaho i skazała jamu: «Udačy!» Jon nie čakaŭ mianie pabačyć, spałochaŭsia, ja dumaju, ničoha nie adkazaŭ».
Bolš na tym forumie Cichanoŭskaja sprobaŭ pahutaryć z aficyjnymi pradstaŭnikami Biełarusi nie rabiła.
-
Kanadski prafiesar zaklikaŭ biełarusaŭ da vyklučnaj strymanaści ŭ pytańni dystancyjavańnia ad Rasii
-
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
-
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ4
Kamientary