Pramień z samalota trapiŭ u aŭtamabil, jaki ruchaŭsia bolš čym za 200 km ad jaho, i zrabiŭ dziru ŭ jahonym kuzavie.
Śpiecyjalisty VPS ZŠA i kampanii Boeing zajavili pra paśpiachovaje vyprabavańnie łaziernaj zbroi vialikaj mahutnaści, pieradaje Associated Press.
Padčas vyprabavańnia łazierny pramień, puščany z prystasavańnia, raźmieščanaha na samalocie C-130H, trapiŭ u aŭtamabil u ruchu, što znachodziŭsia bolš čym za 200 km ad jaho, i zrabiŭ dziru ŭ jahonym kuzavie.
Pavodle zajavy pradstaŭnikoŭ VPS, metaj vyprabavańniaŭ było nie razbureńnie aŭtamabila, a mienavita traplańnie ŭ ruchomy abjekt.
Boeing –adna z najbujniejšych u śviecie aerakaśmičnych karparacyj, źjaŭlajecca vytvorcam rakiet-nośbitaŭ, telekamunikacyjnych spadarožnikaŭ, hramadzianskich i vajskovych samalotaŭ. Taksama Boeing ažyćciaŭlaje dziejnaść u halinie supraćrakietnaj abarony, piłatavanych kaśmičnych palotaŭ i pasłuh pa zapusku kaśmičnych aparataŭ. Asnoŭnyja vytvorčyja mahutnaści kampanii raźmieščanyja ŭ h.Sietle (št.Vašynhton), štacie Kalifornija, h.Sent-Łuis (št.Misury). Štab-kvatera Boeing znachodzicca ŭ h.Čykaha (št.Ilinojs).
Kamientary