Pradstaŭnik litoŭskaha Siejma: Zakryjem samyja apošnija kłapany režymu, ale nie biełaruskamu narodu
Staršynia kamiteta pa zamiežnych spravach Siejma Litvy Žyhimantas Pavilijonis prakamientavaŭ «Našaj Nivie», jak moža dziejničać Litva ŭ dačynieńni da biełarusaŭ u vypadku, kali Łukašenka adpravić svaje vojski va Ukrainu.
Pavilijonis upeŭnieny, što dziejańni Łukašenki nie źmieniać pazicyju Litvy ŭ dačynieńni da biełaruskaha naroda.
«My zaŭsiody viedali, što naš samy hałoŭny sajuźnik u Biełarusi — heta biełaruski narod. Ja sam asabista, budučy jašče dypłamatam, šmat pracavaŭ pa situacyi ŭ Biełarusi, zaŭsiody adčuvaŭ, što biełaruski narod dla mianie z usich susiedziaŭ na Uschodzie najbližejšy.
Mnohim biełarusam skazaŭ, što kali my pieramožam ahulnaha voraha, ź jakim zaraz razam pracuje Łukašenka, to vaša intehracyja ŭ Jeŭropu, kali vy hetaha zachočacie, budzie adbyvacca vielmi chutka. Vy nikoli nie byli pa-za Jeŭropaj. Za apošnija sto hadoŭ Rasijskaja Impieryja vašu identyčnaść usimi srodkami razdrablała. Kali vy ŭ joj [impieryi] zastanieciesia, to vas prosta nie stanie. Heta była prahrama Łukašenki ŭ samym pačatku, chacia jon sprabavaŭ hrać rolu suvierena. My viedali, što heta chłuśnia», — raskazaŭ jon.
Žyhimantas Pavilijonis miarkuje, što Łukašenka nie adpravić svajo vojska va Ukrainu.
«Tamu što hetaha nie choča nie tolki narod, ale i bolšaść biełaruskich vajskoŭcaŭ, jany nie chočuć pamierci. Biełaruskaje vojska nikoli nie było mocnym, Łukašenka zaŭsiody inviestavaŭ u KDB i va ŭnutranyja vojski.
Kali jon ryzyknie heta zrabić, to my zakryjem samyja apošnija kłapany režymu, ale nie narodu. Kali jon ustupić u vajnu — heta budzie apošni ŭbity ćvik u jaho trunu. My, jak i ŭkraincy, da ŭsich scenaroŭ rychtujemsia. Bačym ruchi Łukašenki i Pucina, ale razumiejem, što biełaruski narod suprać vajny.
Hetaha złačynstva ni my, ni Jeŭropa, ni ŭvieś cyvilizavany śviet nie daruje nikoli. Usie, chto ŭ hetym udzielničaje, buduć piersanalna pakaranyja. A tyja, chto zmahajecca suprać, zavajujuć svajo miesca ŭ Jeŭropie. Biełarusy pavinny padniacca i zavajavać svajo miesca ŭ Jeŭropie baraćboj suprać hetaha hienacydnaha režymu», — padsumoŭvaje jon.
Čytajcie taksama:
«Treba admaŭlacca ad taho, što 2,5 hoda nie pracuje». Pradstaŭnica Kabinieta pa sacyjalnych pytańniach Volha Harbunova raskazała, čym zojmiecca na hetaj pasadzie
Chto płacić za mižnarodnyja vizity Cichanoŭskaj i ci ŭsiudy za joj chodziać biełaruskija śpiecsłužby?
Ci vinavataja Cichanoŭskaja ŭ tym, što Łukašenka nie vypuskaje palitviaźniaŭ?
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary