Na telebačańni prysutničaje spres «nieprafiesijnaja i falšyvaja muzyka».
Na sustrečy z žurnalistami Michaił Finbierh paskardziŭsia, što šmatlikija kampazitary, jakija pišuć muzyku dla pop-vykanaŭcaŭ, nie vałodajuć navat bazavymi viedami pa muzycy. Kali jany zmohuć dakazać advarotnaje, maestra hatovy napisać zajavu ab sychodzie z pasady mastackaha kiraŭnika Nacyjanalnaha kancertnaha arkiestra Biełarusi.
Taksama prafiesar narakaŭ na toje, što na telebačańni prysutničaje spres «nieprafiesijnaja i falšyvaja muzyka». Maŭlaŭ, śpiavajuć tyja, chto nie maje hołasu, ale maje dobryja źniešnija paramietry.
«Akramia tych, u kaho karotkaja spadnica, nikoha niama na teleekranie»,
— zasmučany Michaił Finbierh.
Maestra raspavioŭ pra dasiahnieńniami ŭ papularyzacyi ajčynnaj muzyki. Pad jaho kiraŭnictvam było praviedziena 103 fiestyvali pa ŭsioj krainie. Za čas pracy ŭ arkiestry jon padrychtavaŭ 28 kancertnych prahram na słovy biełaruskich paetaŭ. Siarod ich Janka Kupała, Jakub Kołas, Maksim Bahdanovič, Adam Rusak. I nadalej Michaił Finbierh nie źbirajecca spyniacca. Na nastupny hod rychtujecca prahrama da 80-hodździa Uładzimira Karatkieviča.
«Budzie hučać sapraŭdnaje biełaruskaje słova»,
— adznačaje prafiesar.
Da novaha kancertnaha siezona Nacyjanalny kancertny arkiestr Biełarusi padrychtavaŭ prahramu pad nazvaj «Muzyka biełaruskaha zamiežža».
Kamientary