ISW: Sistemy SPA ŭ Maskvie raźmiaščajucca, kab padrychtavać hramadstva da zaciažnoj vajny
Amierykanski Instytut vyvučeńnia vajny (ISW) u svajoj štodzionnaj spravazdačy taksama piša ab mahčymym raźmiaščeńni sistem SPA, adnak nie źviazvaje heta z pahrozaj ataki z boku Ukrainy, piša Bi-bi-si.
Za apošni tydzień u rasijskich sacsietkach źjaviłasia mnostva fota i videa, ź jakich vynikaje, što na dachach niekatorych budynkaŭ u Maskvie ŭstalavali sistemy SPA. Pres-sakratar rasijskaha prezidenta Dźmitryj Piaskoŭ admoviŭsia kamientavać hetyja paviedamleńni, a člen kamiteta Dziarždumy pa abaronie Jaŭhien Lebiedzieŭ vykazaŭ zdahadku, što fota — vynik mantažu.
Adnak, jak adznačaje ISW, niekatoryja rasijskija vajennyja błohiery adreahavali na publikacyju zdymkaŭ sa SPA dobrazyčliva. Im spadabałasia, što žychary Maskvy narešcie zrazumiejuć, što «idzie ciažkaja vajna».
Kreml, vierahodna, raźmiaściŭ sistemy SPA ŭ Maskvie jakraz dziela publikacyi hetych «pravakacyjnych» malunkaŭ, miarkujuć ekśpierty. Takim čynam rasijanam sprabujuć prademanstravać niepasrednuju niebiaśpieku, jakuju dla ich niasie vajna va Ukrainie.
Małavierahodna, što Kreml vieryć u pahrozu Maskvie z boku ŭkrainskaj armii. Chutčej za ŭsio, heta hulnia napakaz, kab padrychtavać infarmacyjnuju prastoru ŭnutry Rasii da zaciažnoj vajny i dalejšych achviar.
Hetyja dziejańni taksama mohuć być častkaj novaj infarmacyjnaj apieracyi, jakaja maje na mecie pastavić vajnu va Ukrainie ŭ kantekst rasijskaha naratyvu ab Vialikaj Ajčynnaj vajnie.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary