Zialenski ŭvioŭ sankcyi suprać «Biełaruśkalija» i «Biełhazprambanka»
Prezident Ukrainy Uładzimir Zialenski ŭvioŭ u dziejańnie rašeńnie SNBA ab sankcyjach suprać 185 jurydyčnych i fizičnych asob, jakich Rasija vykarystoŭvaje dla pieravozki pa čyhuncy asabovaha składu i vajskovaj techniki. Siarod ich niamała biełaruskich kampanij.
Jak raspavioŭ Zialenski ŭ viačernim zvarocie,
aktyvy pradpryjemstvaŭ, suprać jakich uviedzienyja sankcyi, va Ukrainie błakujucca, a najaŭnaja majomaść budzie vykarystoŭvacca dla abarony Ukrainy.
«My budziem pracavać nad tym, kab anałahičnaje błakavańnie było ŭžytaje i inšymi krainami», — skazaŭ Zialenski.
U śpisie pradpryjemstvaŭ, suprać jakich uviedzienyja ŭkrainskija sankcyi, — «Biełaruśkalij», Homielski chimičny zavod, Biełaruskaja čyhunka i «Bielintertrans» jak łahistyčny centr, tavarystva z abmiežavanaj adkaznaściu «Hruzavaja słužba-Zachad», lidskaja «Łakafarba», «Biełhazprambank», ZTAA «Kronaspan OSB», ekspartna-vytvorčaje respublikanskaje ŭnitarnaje pradpryjemstva «Biellesekspart» i inšyja.
Ukaz Zialenskaha apublikavany na jaho aficyjnym sajcie.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna11
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1212
Kamientary
Mańjak dołžien byť totalno izolirovan v tč i jeho eksport.