Stvarajecca miždziaržaŭnaja kamisija pa rasśledavańni pryčyn avijakatastrofy

Stvarajecca miždziaržaŭnaja kamisija pa rasśledavańni pryčyn katastrofy pad Minskam samalota rasijskaj avijakampanii «S‑Ejr».

Pra heta paviedamiła pres‑sakratar Ministerstva transpartu i kamunikacyj Alena Sałanienka.

Kamisiju ŭznačaliŭ pradstaŭnik Miždziaržaŭnaha avijacyjnaha kamiteta SND. Ź biełaruskaha boku ŭ jaje skład uvojdzie načalnik upraŭleńnia dziaržinśpiekcyi pa biaśpiecy palotaŭ i avijacyjnaj biaśpiecy Uładzimir Nahulevič.

Jak paviedamiła Sałanienka, užo adbylisia pieramovy pradstaŭnikoŭ kiraŭnictva ministerstva transpartu i kamunikacyj Biełarusi ź ministram transpartu Rasii Iharam Lavicinym, u chodzie jakich byli vyznačanyja pieršačarhovyja mierapryjemstvy pa rasśledavańni pryčyn avijakatastrofy.

Viadoma taksama, što Rasavijacyja praviadzie pazačarhovuju pravierku lotnaj raboty i stanu biaśpieki palotaŭ u hetaj rasijskaj avijakampanii.

U Nacyjanalnym aeraporcie «Minsk» stvorany arhanizacyjny štab pa padrychtoŭcy infarmacyi dla raboty kamisii. Štab uznačaliŭ dyrektar departamienta pa avijacyi Vadzim Mielnik.

Jak paviedamlałasia raniej, samalot biźnies‑avijacyi avijakampanii «S‑Ejr», jaki nakiroŭvaŭsia čarternym rejsam z maskoŭskaha aeraporta Unukava‑3, źnik z ekranaŭ radaraŭ u 21.30. Abłomki i piać cieł zahinułych — hramadzian Rasii — byli znojdzienyja paźniej pamiž vioskami Dračkava i Piacihodka Smalavickaha rajona Minskaj vobłaści.

Na hety momant znojdzieny adzin z dvuch bartavych samapiscaŭ («čornych skryniaŭ»).

Mintrans RF abnarodavaŭ źviestki ab ekipažy i pasažyrach samalota.

Kamandzir pavietranaha sudna — Samojłaŭ Alaksandr, 1958 hoda naradžeńnia. Skončyŭ Sasaŭskaje lotnaje vučylišča hramadzianskaj avijacyi ŭ 1981 hodzie. Ahulny nalot — 11.900 hadzin; ź ich nočču — 1.450 hadzin. U listapadzie 2007 hoda pieravučany na VAie‑125 u Česterfiłdzie (Vialikabrytanija); nalot na VAie‑125 — 725 hadzin. U mai 2009 hoda prachodziŭ padrychtoŭku pa kursu pavyšeńnia kvalifikacyi ŭ Dubai (Abjadnanyja Arabskija Emiraty).

Pamočnik kamandzira pavietranaha sudna — Śnimščykaŭ Siarhiej, 1962 hoda naradžeńnia. Skončyŭ Armavirskaje vyšejšaje vajennaje Čyrvonaściažnaje vučylišča lotčykaŭ u 1983 hodzie. U śniežni 2006 hoda ŭ Sankt‑Pieciarburhskim univiersitecie hramadzianskaj avijacyi skončyŭ kursy pierapadrychtoŭki na piłota samalota Tu‑154. Nalot ahulny na samalotach hramadzianskaj avijacyi — 825 hadzin. U lutym 2007 hoda pieravučany na VAie‑125 u Dubai. Nalot na VAie‑125 — 825 hadzin. Tam ža ŭ krasaviku 2009 hoda prachodziŭ krajniuju padrychtoŭku pa kursu pavyšeńnia kvalifikacyi.

Bortpravadnica — Łatucina Alesia.

Pasažyry — Ramaškin Marat, Małyšaŭ Pavieł.

Źviestki ab pavietranym sudnie:

ZAT «Avijakampanija «S‑Ejr» jurydyčna bazujecca ŭ Kałužskaj vobłaści, u horadzie Baroŭsk‑2, aeraportam bazavańnia źjaŭlajecca Unukava. Jana prapanuje pasłuhi pa arhanizacyi i vykanańni čarternych rejsaŭ biźnies‑samalotami dla indyvidualnaha transpartnaha absłuhoŭvańnia kiraŭnictva karparacyj, dziaržustanoŭ i pryvatnych kampanij. «S‑Ejr» vykonvaje bolš za tysiaču rejsaŭ za hod.

Park avijakampanii składajecca z troch samalotaŭ Jak‑42D, adnaho Jak‑40, troch Tu‑134 i čatyroch BAie‑125‑800 (British Aerospace), inšaja nazva — Hawker. Samalot pryznačany dla vykarystańnia na avijalinijach siaredniaj praciahłaści. Samaloty hetaha typu vypuskajucca z 1962 hoda, usiaho ich było vyrablena 763 štuki.

Heta adziny ŭ Rasii chutkasny reaktyŭny samalot biźnies‑kłasa z dalokaściu palotu kala 5 tysiač kiłamietraŭ. Jon moža vykarystoŭvacca na aeradromie z karotkaj uźlotna‑pasadačnaj pałasoj.

Uzrovień biaśpieki palotaŭ adpaviadaje samym vysokim suśvietnym standartam.

Samalot BAie‑125 raźličany na pieravozku vaśmi pasažyraŭ. Daŭžynia fiuzielaža — 14,33 mietra, razmach kryłaŭ — 14,33 mietra, maksimalnaja ŭźlotnaja masa składaje 12,5 tony. Maksimalnaja chutkaść palotu 805 kiłamietraŭ za hadzinu, praktyčnaja dalokaść 2,5 tysiačy kiłamietraŭ. Ekipaž składajecca z dvuch čałaviek.

• 0
• 0
• 0
• 0
• 0
• 0
• 0
• 0