Lacieli ŭ kazino, a damoŭ nie viernucca

Kala aeraporta «Minsk-2» raźbiŭsia elitny samalot. Dvoje pasažyraŭ i troje členaŭ ekipažu zahinuli. Biźniesoŭcy lacieli ŭ minskaje VIP-kazino Šanhry Ła.

Za 4 kiłamietry ad Nacyjanalnaha aeraporta «Minsk‑2», u lesie kala vioski Piaciletka, paciarpieŭ krušeńnie elitny łajnier biznes‑kłasa madeli «Falkon», jaki naležaŭ avijakampanii «S‑ejr». Jak paviedamlajuć infarmacyjnyja ahienctvy sa spasyłkaj na Ministerstva pa nadzvyčajnych situacyjach, pasažyry samalota i piłoty zahinuli.

Pavodle apošnich źviestak, zahinuli piać čałaviek — dva piłoty i try pasažyry. Adzin z pasažyraŭ nie pryjšoŭ na rejs.

Śpis zahinułych: kiraŭnik aviaikampanii «S-ejr» Marat Ramaškin, druhi pasažyr Małyšaŭ i try členy ekipažu — piłot Samojłaŭ, šturman Śnimščykaŭ i bortpravadnica Łatucina.

Biźniesoŭcy lacieli ŭ elitnaje kazino «Šanhry Ła», jakoje niadaŭna adčyniłasia ŭ Minsku pobač z Štab-kvateraj SND.

Kazino pierajechała ŭ stalicu Biełarusi z Rasii.

Minimalnaja suma abmienu hrošaj na fiški ŭ minskim VIP-kazino składaje 5 tys. dalaraŭ. Minimalnaja staŭka ŭ ruletku — 25 dalaraŭ, u kartačnych hulniach — 200 dalaraŭ, pisaŭ učora Ježiednievnik.

U zvyčajnych minskich kazino hetyja sumy abmiežavanyja 1 i 5 dalarami adpaviedna.

Kazino «Šanhry Ła» raźličana na zamožnych klijentaŭ ź Biełarusi i Rasii, pryčym asnoŭnaja ŭvaha, mierkavałasia, budzie nadavacca klijentam z Rasii paśla taho, jak ułady hetaj krainy pačali zhortvać kryminahienny hulniavy biznes.

Čarternyja rejsy z Maskvy ŭ Minsk akurat i praduhledžvalisia, kab jany mahli pahulać u kazino.

Łajnier lacieŭ z rasijskaha aeraporta «Unukava» ŭ Nacyjanalny aeraport «Minsk‑2».

Ź nieviadomaj pryčyny samalot nie zdoleŭ zajści na pasadku ź pieršaha razu i pasprabavaŭ pryziamlicca, zrabiŭšy koła nad aeraportam. Raptoŭna łajnier prapaŭ z radaraŭ.

Praz karotki čas samalot, što paciarpieŭ krušeńnie, znajšli pobač z aeraportam, što znachodzicca ŭ Smalavickim rajonie.

* * *

Samalot BAie-125 raźličany na pieravozku vaśmi pasažyraŭ. Jon raspracavany dla biźnies-avijacyi. Daŭžynia fiuzielažu — 14,33 m, razmach kryłaŭ — 14,33 m, maksimalnaja ŭźlotnaja masa — 12,5 t. Maksimalnaja chutkaść 805 km/h, ekipaž składajecca z dvuch čałaviek.

• 0
• 0
• 0
• 0
• 0
• 0